Мабільная версія
ДЗЯРЖОРГАНЫ

Апошнія навіны
Усе навіны

Мікалай Бардзюжа: Пагрозы звонку прымушаюць АДКБ умацоўваць сілавы патэнцыял

Інтэрв'ю 25.06.2014 | 13:28
Падзеі ў свеце, у тым ліку ва Украіне, паказалі, што пытанні ўмацавання бяспекі дзяржаў сталі не проста актуальнымі: яны выйшлі на першы план. Аб тым, што цяпер адбываецца ў Арганізацыі Дагавора аб калектыўнай бяспецы, карэспандэнт БЕЛТА паразмаўляў з генеральным сакратаром АДКБ Мікалаем Бардзюжам.

- Апошнім часам павышаная ўвага ўдзяляецца сілавому складніку АДКБ. З чым гэта звязана і ў якіх выпадках могуць быць выкарыстаны падраздзяленні АДКБ?


- Ва ўмовах, калі вакол дзяржаў - членаў АДКБ вялікая колькасць гарачых кропак, а таксама незаконных узброеных фарміраванняў, частка з якіх дэкларуе свае варожыя задачы на тэрыторыі нашых краін, неабходна мець сілавы патэнцыял, які, калі спатрэбіцца, зможа ім процістаяць. Патэнцыял, які можа выкарыстоўвацца ў выпадку, калі ўзнікне канкрэтная пагроза тэрытарыяльнай цэласнасці і суверэнітэту якой-небудзь дзяржавы, што ўваходзіць у арганізацыю.

АДКБ арыентавана на процідзеянне пагрозам звонку. У сувязі з гэтым увесь сілавы патэнцыял, перш за ўсё Калектыўныя сілы аператыўнага рэагавання, павінен быць задзейнічаны ў выпадку неабходнасці адбівання знешняй агрэсіі, лакалізацыі якіх-небудзь пагранічных канфліктаў. Сілавы патэнцыял АДКБ створаны менавіта для гэтага, хоць у нас ёсць і міратворчыя сілы. Прычым, звяртаю ўвагу, што, у адпаведнасці з дзеючым у АДКБ пагадненнем, выкарыстанне міратворчых сіл магчыма толькі для падтрымання дасягнутага міру паміж бакамі канфлікту. Не для баявых аперацый па прымушэнні да міру тых ці іншых бакоў, што проціборствуюць, а менавіта для падтрымання міру.

- Міратворчыя сілы могуць быць выкарыстаны толькі ўнутры АДКБ?

- Не, пагадненне, ратыфікаванае ўсімі дзяржавамі, дае права задзейнічаць міратворчыя сілы як на тэрыторыі дзяржаў - членаў АДКБ, так і за іх межамі. Але гэта можа быць зроблена толькі ў адпаведнасці з мандатам і па просьбе Савета бяспекі ААН, а таксама толькі пасля прыняцця адпаведнага рашэння Саветам калектыўнай бяспекі АДКБ.

- Цяпер у АДКБ ствараюцца новыя сілавыя падраздзяленні, у прыватнасці авіяцыйныя. Якія задачы яны будуць выконваць і калі плануецца завяршыць іх стварэнне?

- Гэта прадаўжэнне работы па ўдасканаленні сілавога складніка арганізацыі. Мы зразумелі, што для сіл, якія сфарміраваны ў АДКБ і якія інтэгруюцца ў войскі (а гэта двухбаковыя групоўкі, Калектыўныя сілы аператыўнага рэагавання, Калектыўныя сілы хуткага разгортвання Цэнтральна-Азіяцкага рэгіёна, Міратворчыя сілы), патрэбны сродкі іх дастаўкі ў пункт правядзення аперацыі. Таму і прызнана мэтазгодным стварыць Калектыўныя авіяцыйныя сілы АДКБ. Думаю, што на працягу гэтага года мы завершым іх фарміраванне і прадставім у канцы года прэзідэнтам адпаведныя дакументы. Кіраўнікі дзяржаў павінны зацвердзіць прынцыпы функцыянавання Калектыўных авіяцыйных сіл і, самае галоўнае, іх баявы і колькасны склад.

Акрамя таго, у АДКБ фарміруюцца Сілы спецыяльных аперацый. Гэта падраздзяленні, якія павінны забяспечыць спецыяльнымі формамі і метадамі падтрымку дзейнасці тых ці іншых узброеных фарміраванняў у АДКБ. Мера абсалютна неабходная ва ўмовах сучаснай вайны. Такія спецпадраздзяленні могуць процідзейнічаць кібератакам, з выкарыстаннем спецыяльных сродкаў перахопліваць тыя ці іншыя сігналы, інфармацыйныя паведамленні і гэтак далей. Плануецца, што гэта будзе цэлы набор падраздзяленняў, напрыклад, такіх як падраздзяленні інфармацыйна-псіхалагічных аперацый.

- Значыць, гэта будзе такі высока абучаны спецназ?

- Так. Гэта вельмі важнае падраздзяленне, якое асабліва неабходна пры правядзенні розных міратворчых аперацый. Я думаю, што гэты кампанент вельмі запатрабаваны сёння ва ўмовах сучасных метадаў вядзення ўзброенай барацьбы.

-Усе тры дзяржавы, якія заявілі аб стварэнні Еўразійскага эканамічнага саюза - Беларусь, Расія і Казахстан, а таксама Арменія і Кыргызстан, што маюць намер да яго далучыцца, адначасова з'яўляюцца і членамі АДКБ. Як, на ваш погляд, будуць развівацца ўзаемаадносіны гэтых дзвюх інтэграцыйных структур і ці магчыма ў далейшым зліццё ЕАЭС і АДКБ у адну ваенна-палітычную і эканамічную арганізацыю?

- Ёсць дзве мадэлі работы ў гэтым напрамку. Першая мадэль, якая выкарыстоўваецца сёння, напрыклад, у Еўропе, - НАТА і Еўрасаюз: ні адна дзяржава не прымаецца ў Еўрасаюз, пакуль яна не ўступіць у Паўночна-Атлантычны альянс. НАТА займаецца бяспекай, Еўрасаюз - палітыкай, эканомікай і гэтак далей. Такую ж схему прадугледжваецца пакуль прымяніць і ва ўзаемаадносінах Еўразійскага эканамічнага саюза і АДКБ. Гэта значыць саюз будзе вырашаць пытанні эканомікі, а АДКБ - палітыкі і бяспекі. Я думаю, што мы будзем працаваць менавіта ў такім ключы.

Але я не выключаю, што на нейкім этапе, калі і АДКБ, і, асабліва, Еўразійскі эканамічны саюз стануць больш дасканалымі, калі будуць наладжаны ўсе механізмы ўзаемадзеяння, узнікне патрэбнасць у іх зліцці. Хоць асабіста я як эксперт, які ўсё жыццё займаецца пытаннямі бяспекі, лічу, што аб'ядноўваць дзве структуры ў адзін саюз, ва ўсялякім выпадку ў бліжэйшай перспектыве, было б памылковым. Таму што гэты саюз стане грувасткім, складана кіруемым. Лепш, калі б дзве арганізацыі ўзаемадзейнічалі, дакладна вызначыўшы сферы ведання і размежаваўшы паўнамоцтвы. Я думаю, што мы да гэтага ў бліжэйшы час падыдзем.

- Як вы ацанілі б уклад Беларусі ў забеспячэнне калектыўнай бяспекі?

- Як адзін з самых значных. Беларусь вельмі актыўная ў АДКБ. Па-першае, зладжана працуе дзяржаўны апарат. Магчыма, самая дысцыплінаваная, самая зладжаная работа апарату ў структурах, з якімі мы ўзаемадзейнічаем, гэта беларускія структуры: заўсёды своечасова вельмі глыбокая прапрацоўка тых ці іншых пытанняў. Па-другое, вялікая колькасць розных ініцыятыў. Усе ініцыятывы канструктыўныя, арыентаваныя перш за ўсё на вырашэнне тых ці іншых канкрэтных праблем у сферы забеспячэння калектыўнай бяспекі. Па-трэцяе, вялікая колькасць мерапрыемстваў, якія праводзяцца на тэрыторыі Рэспублікі Беларусь пад сцягам АДКБ. Гэта і інфафорумы, і розныя сустрэчы з экспертамі, і правядзенне вучэнняў, і многае іншае, не буду пералічваць. І, нарэшце, вельмі канструктыўная і крэатыўная пазіцыя кіраўніцтва, перш за ўсё Прэзідэнта Беларусі, а таксама яго каманды - гэта міністр абароны, дзяржаўны сакратар Савета бяспекі, міністр замежных спраў, якія ў ходзе работы на ўзроўні статутных органаў АДКБ заўсёды вельмі актыўныя і арыентаваны на пошук канструктыўных вырашэнняў праблем, звязаных з забеспячэннем калектыўнай бяспекі. Таму гэтыя чатыры фактары даюць мне падставу абсалютна сумленна і абгрунтавана гаварыць аб тым, што Беларусь вельмі актыўная ў дзейнасці АДКБ.

Эдуард ПІВАВАР
Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.