ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Эканоміка
15 чэрвеня 2021, 11:56

Мінскі маторны завод прадставіць прадукцыю на выстаўцы "Інапрам" у Екацярынбургу

Фота прэс-службы ААТ "ККХ "ММЗ"
Фота прэс-службы ААТ "ККХ "ММЗ"

15 чэрвеня, Мінск /Кар. БЕЛТА/. Мінскі маторны завод з 5 па 8 ліпеня прыме ўдзел у 11-й міжнароднай прамысловай выстаўцы "Інапрам" у Екацярынбургу, паведамілі карэспандэнту БЕЛТА ў прэс-службе ААТ "ККХ "ММЗ".

На "Інапрам-2021" будуць прадстаўлены ўсе напрамкі прамысловасці. Мінскі маторны завод будзе экспанаваць сваю прадукцыю на калектыўным стэндзе вытворцаў машынабудаўнічай галіны Беларусі. У лік экспанатаў увойдуць макеты рухавікоў MMZ-3LD, Д-243, кампрэсарная прычэп-станцыя і дызель-помпавая ўстаноўка. На экспазіцыі будуць працаваць спецыялісты канструктарскай і маркетынгавай службаў прадпрыемства, а таксама Гандлёвага дома ММЗ у Нагінску.

"Улічваючы важнасць і маштаб гэтага знакавага мерапрыемства, якое з'яўляецца цэнтрам прамысловых дасягненняў, удзел у ім прадпрыемства беларускага маторабудавання будзе садзейнічаць устанаўленню шырокага кола новых бізнес-кантактаў і распаўсюджванню прадукцыі ММЗ", - падкрэслілі ў прэс-службе.

Выстаўка "Інапрам" праводзіцца ў Екацярынбургу з 2010 года. Гэта галоўная індустрыяльная, гандлёвая і экспартная пляцоўка ў Расіі, якая збірае тэхнічных спецыялістаў і кіраўнікоў расійскіх прадпрыемстваў і замежных кампаній. На мерапрыемстве закладваюцца асновы прамысловай палітыкі, заключаюцца кантракты і наладжваецца дыялог паміж краінамі, пакупнікамі і вытворцамі.

Шырока вядома выстаўка яшчэ і тым, што звычайныя гледачы могуць тут апрабаваць тэхнічныя навінкі. Напрыклад, у мінулыя гады наведвальнікі маглі пагутарыць з робатамі, прымераць на сябе ролю вадзіцеля электрамабіля, выпрабаваць акуляры віртуальнай рэальнасці.

Выстава з'яўляецца тэматычнай, у гэтым годзе яе тэма - "Гібкая вытворчасць. Максімальная адаптацыя". Краінай - галоўным партнёрам мерапрыемства выступае Італія.

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вырабе сучасных трох-, чатырох-, шасці- і васьміцыліндравых рухавікоў. На заводзе выпускаецца больш за 100 мадыфікацый рухавікоў у дыяпазоне магутнасці ад 7 кВт да 330 кВт, прызначаных для ўстаноўкі на сельскагаспадарчую, дарожна-будаўнічую тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў Беларусі, краін СНД і далёкага замежжа, прадукцыя прадаецца ў больш як 50 краін Еўропы, Азіі, Афрыкі, Паўночнай і Лацінскай Амерыкі. Пры вытворчасці рухавікоў выкарыстоўваюцца камплектуючыя сусветна вядомых кампаній.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі