Фота з архіва
22 снежня, Масква /Эдуард Півавар - БЕЛТА/. Вышэйшы Еўразійскі эканамічны савет на пасяджэнні 21 снежня ў Санкт-Пецярбургу зацвердзіў чатыры планы лібералізацыі, якія ахопліваюць 14 сектараў паслуг у сферы кіравання будаўнічымі праектамі. Гэтыя дарожныя карты вызначаюць паэтапны пераход генпадрадных і генпраектных работ на прынцыпы адзінага рынку паслуг, паведамілі БЕЛТА ў прэс-службе Еўразійскай эканамічнай камісіі (ЕЭК).
"Пасля рэалізацыі дарожных карт правілы адзінага рынку паслуг будуць прымяняцца да будаўніцтва аб'ектаў прамысловага, камерцыйнага, сельскагаспадарчага і жылога прызначэння, а таксама да будавання і ўзвядзення аўтамагістралей, чыгунак, інфраструктурных, энергетычных і вытворчых аб'ектаў. Гэта дасць магчымасць будаўнічым кампаніям краін Еўразійскага эканамічнага саюза працаваць на ўсёй прасторы ЕАЭС без неабходнасці стварэння дадатковых юрыдычных асоб, з прызнаннем дазвольных і кваліфікацыйных дакументаў, атрыманых у краіне рэгістрацыі", - растлумачылі ў ЕЭК.
На сённяшні дзень у рэжым адзінага рынку пераведзена ўжо больш за 140 сектараў, уключаючы асобныя праекціровачныя, інжынерныя, гандлёвыя, сельскагаспадарчыя і турыстычныя паслугі. Паралельна вядзецца работа па пашырэнні пераліку адзінага рынку паслуг у рамках 117 прыярытэтных напрамкаў, сярод якіх кансалтынг, паслугі па арэндзе і рамонце, ветэрынарыя і іншыя.
"Прынятае рашэнне з'яўляецца важным крокам для паглыблення інтэграцыі ў адной з ключавых для нашых эканомік галін - будаўнічай. Размова ідзе не толькі пра будучае спрашчэнне ўмоў вядзення бізнесу, але і пра стварэнне перадумоў для росту дзелавой актыўнасці. Збліжэнне падыходаў да рэгулявання будаўнічай сферы дасць магчымасць знізіць выдаткі і, як вынік, аптымізаваць кошт рэалізацыі праектаў. Будаўнічы комплекс атрымлівае новы імпульс для развіцця на ўсёй еўразійскай прасторы", - пракаменціраваў рашэнне член Калегіі (міністр) па эканоміцы і фінансавай палітыцы ЕЭК Бахыт Султанаў.-0-
"Пасля рэалізацыі дарожных карт правілы адзінага рынку паслуг будуць прымяняцца да будаўніцтва аб'ектаў прамысловага, камерцыйнага, сельскагаспадарчага і жылога прызначэння, а таксама да будавання і ўзвядзення аўтамагістралей, чыгунак, інфраструктурных, энергетычных і вытворчых аб'ектаў. Гэта дасць магчымасць будаўнічым кампаніям краін Еўразійскага эканамічнага саюза працаваць на ўсёй прасторы ЕАЭС без неабходнасці стварэння дадатковых юрыдычных асоб, з прызнаннем дазвольных і кваліфікацыйных дакументаў, атрыманых у краіне рэгістрацыі", - растлумачылі ў ЕЭК.
На сённяшні дзень у рэжым адзінага рынку пераведзена ўжо больш за 140 сектараў, уключаючы асобныя праекціровачныя, інжынерныя, гандлёвыя, сельскагаспадарчыя і турыстычныя паслугі. Паралельна вядзецца работа па пашырэнні пераліку адзінага рынку паслуг у рамках 117 прыярытэтных напрамкаў, сярод якіх кансалтынг, паслугі па арэндзе і рамонце, ветэрынарыя і іншыя.
"Прынятае рашэнне з'яўляецца важным крокам для паглыблення інтэграцыі ў адной з ключавых для нашых эканомік галін - будаўнічай. Размова ідзе не толькі пра будучае спрашчэнне ўмоў вядзення бізнесу, але і пра стварэнне перадумоў для росту дзелавой актыўнасці. Збліжэнне падыходаў да рэгулявання будаўнічай сферы дасць магчымасць знізіць выдаткі і, як вынік, аптымізаваць кошт рэалізацыі праектаў. Будаўнічы комплекс атрымлівае новы імпульс для развіцця на ўсёй еўразійскай прасторы", - пракаменціраваў рашэнне член Калегіі (міністр) па эканоміцы і фінансавай палітыцы ЕЭК Бахыт Султанаў.-0-
Падпісвайцеся на нас у
