Фота з архіва
17 сакавіка, Мінск /Кар. БЕЛТА/. Якія акцэнты зроблены ў развіцці рэгіёнаў Беларусі на бягучую пяцігодку і якія задачы стаяць перад Мінскам, расказала намеснік міністра эканомікі Марыя Мажынская ў час гарадскога інфастрыма ў Мінскай ратушы, перадае карэспандэнт БЕЛТА.
Марыя Мажынская адзначыла, што ў краіне ўдзяляецца вялікая ўвага спецыялізацыі і канкурэнтным перавагам кожнага асобнага рэгіёна. "Дзве пяцігодкі запар моцныя рэгіёны з'яўляюцца прыярытэтам сацыяльна-эканамічнага развіцця. Калі гаварыць аб апошняй пяцігодцы, то комплекснае развіццё кожнага рэгіёна ажыццяўлялася па двух напрамках: развіццё вытворчага патэнцыялу з дыферэнцыраваным падыходам і кропкавай падтрымкай кожнага рэгіёна, а таксама фарміраванне камфортнага асяроддзя, уключаючы паскоранае развіццё інфраструктуры і дыстанцыйных мабільных форм абслугоўвання", - расказала яна.
Намеснік міністра адзначыла, што ў выніку ў краіне скарацілася міжрэгіянальная дыферэнцыяцыя па ўзроўні зарплаты, умацаваўся вытворчы патэнцыял, а на працягу ўсёй пяцігодкі актыўна вялося будаўніцтва жылля і сацыяльнай інфраструктуры.
Марыя Мажынская таксама нагадала, што моцныя рэгіёны застаюцца прыярытэтам і ў бягучай пяцігодцы. "Мы прадаўжаем гаварыць аб стварэнні роўных магчымасцей занятасці і якасці жыцця насельніцтва ў кожным рэгіёне. Палітыка дзяржавы заключаецца ў тым, каб дастукацца да кожнага жыхара, да кожнага кутка нашай краіны. Тут у нас два ключавыя напрамкі: унутрыабласное комплекснае сацыяльна-эканамічнае развіццё рэгіёнаў, калі кожны рэгіён развіваецца як адзіны гаспадарчы комплекс, уключаны ў сацыяльна-эканамічныя працэсы, і прыярытэтныя тэрыторыі з унікальным патэнцыялам для кожнага рэгіёна", - адзначыла яна.
Паводле слоў намесніка міністра, Мінск, абласныя цэнтры і буйныя гарады будуць рабіць акцэнт на інавацыйным развіцці. У той жа час у малых населеных пунктах будуць стварацца невялікія вытворчасці і ўдзяляцца ўвага стварэнню камфортных умоў пражывання.
"У кожнага рэгіёна свае прыярытэтныя групы, якія павінны стаць дадатковым імпульсам для развіцця ўсяго рэгіёна. Для Брэсцкай і Гомельскай абласцей асноўны акцэнт зроблены на развіцці Прыпяцкага Палесся, у Віцебскай вобласці - на раёнах Віцебскага Паазер'я, а ў Гродзенскай - на Прынёманскім краі. Для Мінскай вобласці - фарміраванне і развіццё Мінскага прамысловага пояса. Таксама ўвага будзе ўдзелена сямі раёнам паўднёва-ўсходняга рэгіёна Магілёўскай вобласці", - сказала яна.
Марыя Мажынская падкрэсліла, што асаблівыя задачы стаяць перад сталіцай, якая павінна быць прыкладам для астатніх рэгіёнаў. "У прамысловасці задача заключаецца ў стварэнні навукаёмістых, высокатэхналагічных і кампактных вытворчасцей у сферах машынабудавання, электратранспарту і фармацэўтыкі. У сектарах паслуг Мінск павінен выступаць у ролі цэнтра высокатэхналагічнай і даступнай медыцыны, кузні кваліфікаваных кадраў для эканомікі і флагмана лічбавізацыі на ўзроўні ўсёй краіны. І вядома ж - развіццё турызму з уключэннем усіх складнікаў, асабліва творчых", - дадала яна.
Намеснік міністра таксама адзначыла, што асаблівую ўвагу плануецца ўдзяліць гарадам-спадарожнікам Мінска. "Сталіца павінна ўдзельнічаць у стварэнні інфраструктуры ў гарадах-спадарожніках для таго, каб было камфортна пражываць у гэтых гарадах і працаваць у Мінску. Для гэтага мы дадаткова арганізуем транспартную даступнасць і ўдзелім увагу стварэнню камфортных умоў пражывання", - рэзюмавала яна.-0-
Марыя Мажынская адзначыла, што ў краіне ўдзяляецца вялікая ўвага спецыялізацыі і канкурэнтным перавагам кожнага асобнага рэгіёна. "Дзве пяцігодкі запар моцныя рэгіёны з'яўляюцца прыярытэтам сацыяльна-эканамічнага развіцця. Калі гаварыць аб апошняй пяцігодцы, то комплекснае развіццё кожнага рэгіёна ажыццяўлялася па двух напрамках: развіццё вытворчага патэнцыялу з дыферэнцыраваным падыходам і кропкавай падтрымкай кожнага рэгіёна, а таксама фарміраванне камфортнага асяроддзя, уключаючы паскоранае развіццё інфраструктуры і дыстанцыйных мабільных форм абслугоўвання", - расказала яна.
Намеснік міністра адзначыла, што ў выніку ў краіне скарацілася міжрэгіянальная дыферэнцыяцыя па ўзроўні зарплаты, умацаваўся вытворчы патэнцыял, а на працягу ўсёй пяцігодкі актыўна вялося будаўніцтва жылля і сацыяльнай інфраструктуры.
Марыя Мажынская таксама нагадала, што моцныя рэгіёны застаюцца прыярытэтам і ў бягучай пяцігодцы. "Мы прадаўжаем гаварыць аб стварэнні роўных магчымасцей занятасці і якасці жыцця насельніцтва ў кожным рэгіёне. Палітыка дзяржавы заключаецца ў тым, каб дастукацца да кожнага жыхара, да кожнага кутка нашай краіны. Тут у нас два ключавыя напрамкі: унутрыабласное комплекснае сацыяльна-эканамічнае развіццё рэгіёнаў, калі кожны рэгіён развіваецца як адзіны гаспадарчы комплекс, уключаны ў сацыяльна-эканамічныя працэсы, і прыярытэтныя тэрыторыі з унікальным патэнцыялам для кожнага рэгіёна", - адзначыла яна.
Паводле слоў намесніка міністра, Мінск, абласныя цэнтры і буйныя гарады будуць рабіць акцэнт на інавацыйным развіцці. У той жа час у малых населеных пунктах будуць стварацца невялікія вытворчасці і ўдзяляцца ўвага стварэнню камфортных умоў пражывання.
"У кожнага рэгіёна свае прыярытэтныя групы, якія павінны стаць дадатковым імпульсам для развіцця ўсяго рэгіёна. Для Брэсцкай і Гомельскай абласцей асноўны акцэнт зроблены на развіцці Прыпяцкага Палесся, у Віцебскай вобласці - на раёнах Віцебскага Паазер'я, а ў Гродзенскай - на Прынёманскім краі. Для Мінскай вобласці - фарміраванне і развіццё Мінскага прамысловага пояса. Таксама ўвага будзе ўдзелена сямі раёнам паўднёва-ўсходняга рэгіёна Магілёўскай вобласці", - сказала яна.
Марыя Мажынская падкрэсліла, што асаблівыя задачы стаяць перад сталіцай, якая павінна быць прыкладам для астатніх рэгіёнаў. "У прамысловасці задача заключаецца ў стварэнні навукаёмістых, высокатэхналагічных і кампактных вытворчасцей у сферах машынабудавання, электратранспарту і фармацэўтыкі. У сектарах паслуг Мінск павінен выступаць у ролі цэнтра высокатэхналагічнай і даступнай медыцыны, кузні кваліфікаваных кадраў для эканомікі і флагмана лічбавізацыі на ўзроўні ўсёй краіны. І вядома ж - развіццё турызму з уключэннем усіх складнікаў, асабліва творчых", - дадала яна.
Намеснік міністра таксама адзначыла, што асаблівую ўвагу плануецца ўдзяліць гарадам-спадарожнікам Мінска. "Сталіца павінна ўдзельнічаць у стварэнні інфраструктуры ў гарадах-спадарожніках для таго, каб было камфортна пражываць у гэтых гарадах і працаваць у Мінску. Для гэтага мы дадаткова арганізуем транспартную даступнасць і ўдзелім увагу стварэнню камфортных умоў пражывання", - рэзюмавала яна.-0-
Падпісвайцеся на нас у
