Дзеянне Дагавора аб гарантыях бяспекі. У Мінску прайшла сустрэча спецпрадстаўнікоў Беларусі і Расіі

17 сакавіка, Масква /Эдуард Півавар - БЕЛТА/. У Мінску 16-17 сакавіка ў адпаведнасці з палажэннямі Дагавора паміж Беларуссю і Расіяй аб гарантыях бяспекі ў рамках Саюзнай дзяржавы адбылася другая сустрэча спецыяльных прадстаўнікоў бакоў - намесніка міністра замежных спраў Рэспублікі Беларусь Ігара Сякрэты і намесніка міністра замежных спраў РФ Аляксандра Грушко. Аб гэтым паведамляецца на сайце расійскага знешнепалітычнага ведамства, паведамляе БЕЛТА.

"Бакі правялі прадметны агляд сітуацыі ў галіне бяспекі на граніцах Саюзнай дзяржавы ў кантэксце мілітарызацыі дзяржаў - членаў ЕС і НАТА, абмеркавалі практычныя аспекты рэалізацыі палажэнняў Канцэпцыі бяспекі Саюзнай дзяржавы ў кантэксце выканання дагавора аб гарантыях бяспекі, абмяняліся думкамі па пытаннях процідзеяння незаконным абмежавальным мерам эканамічнага і фінансавага характару", - праінфармавалі ў МЗС РФ.

Удзельнікі сустрэчы пацвердзілі супадзенне падыходаў Беларусі і Расіі адносна актуальных выклікаў і пагроз бяспецы Саюзнай дзяржавы, шляхоў процідзеяння і барацьбы з імі. Бакі акцэнтавалі значнасць дагавора як трывалай асновы для паглыблення супрацоўніцтва Беларусі і Расіі ў мэтах забеспячэння эфектыўнай абароны Саюзнай дзяржавы.

"Дасягнута дамоўленасць аб прадаўжэнні ўзаемадзеяння ў мэтах рэалізацыі палажэнняў дагавора і правядзенні наступнай сустрэчы ў Маскве восенню 2026 года", - дадалі ў МЗС РФ.-0-