Мабільная версія
ДЗЯРЖОРГАНЫ

Апошнія навіны
Усе навіны

Персанальная выстава жонкі пасла Азербайджана ў Беларусі адкрылася ў Мінску

Культура 03.12.2018 | 19:56

3 снежня, Мінск /Аліна Грышкевіч - БЕЛТА/. Персанальная выстава жонкі пасла Азербайджана ў Беларусі мастачкі Наілі Гандзілавай адкрылася сёння ў Нацыянальным мастацкім музеі Беларусі, перадае карэспандэнт БЕЛТА.

У экспазіцыі "Мая любімая радзіма Азербайджан" прадстаўлена больш за 50 работ, многія з якіх напісаны за апошнія два гады ў Беларусі. У некаторых прасочваюцца кітайскія матывы - да прыезду ў Мінск сям'я Гандзілавых працавала ў Кітаі. Адначасова была прэзентавана кніга вершаў Наілі Гандзілавай "Свет", кожны з якіх у лірычнай форме суправаджае аўтарскія жывапісныя палотны.

Першы намеснік міністра замежных спраў Беларусі Андрэй Еўдачэнка на адкрыцці выставы адзначыў глыбокі філасофскі сэнс і яркую каляровую палітру карцін мастачкі. Ён падкрэсліў вялікую ролю культурнай дыпламатыі ў развіцці двухбаковых адносін, паколькі часта менавіта такія мерапрыемствы пакідаюць глыбокі след у сэрцах людзей.

Намеснік міністра культуры Наталля Карчэўская ў сваю чаргу падкрэсліла важнасць культурных абменаў паміж Беларуссю і Азербайджанам.

Надзвычайны і Паўнамоцны Пасол Азербайджана ў Беларусі Лаціф Гандзілаў у цэлым расказаў аб развіцці беларуска-азербайджанскага ўзаемадзеяння, якое ў бягучым годзе было асабліва насычаным: 25-годдзе ўстанаўлення дыпламатычных адносін, візіт у Мінск Прэзідэнта Азербайджана Ільхама Аліева, 100-годдзе ўтварэння Азербайджана і інш. "Для нас беларускі народ вельмі блізкі, і з Беларуссю мы развіваем вельмі цеснае ўзаемавыгаднае супрацоўніцтва, што пацвярджае і нядаўні прыезд у Мінск Ільхама Аліева. Падпісанне больш як 10 дакументаў у час візіту дало магчымасць вызначыць новыя напрамкі паміж дзвюма дзяржавамі", - адзначыў дыпламат. Ён звярнуў увагу, што ў час візіту азербайджанскага лідара ў Мінск увазе прэзідэнтаў у Палацы Незалежнасці было прадстаўлена некалькі карцін Наілі Гандзілавай.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.