ДЗЯРЖОРГАНЫДЗЯРЖОРГАНЫ
Пятніца, 10 ліпеня 2020
Мінск Пераменная воблачнасць +11°C
Усе навіны
Усе навіны
Культура
03 чэрвеня 2020, 13:34

Канцэрты на балконе і спектаклі ў дворыку: новыя арт-праекты адкрываюць летні сезон у Гродне

Фота з архіва
Фота з архіва

3 чэрвеня, Гродна /Кар. БЕЛТА/. Канцэрты на балконе і спектаклі ў дворыку - аб навінках летняга сезона ў рэгіёне карэспандэнту БЕЛТА паведамілі ва ўпраўленні культуры Гродзенскага аблвыканкама.

У Гродна вяртаецца арт-праект ад абласной філармоніі, які палюбіўся гараджанам і гасцям горада.

Канцэрты на балконе дома нумар 15 па вуліцы Савецкай, што сталі адной з адметных асаблівасцей культурнага жыцця горада, аднаўляюцца з 9 чэрвеня. Кожны аўторак у 18.00 артысты філармоніі будуць спяваць і іграць для гледачоў. Па серадах музыка будзе гучаць і ў дворыку музея гісторыі рэлігіі - гэта чарговы арт-праект ад філармоніі пад назвай "Серада музычная".

Новую форму работы апрабуе Гродзенскі абласны тэатр лялек. 6 чэрвеня гледачоў запрашаюць у летні амфітэатр ва ўнутраным дворыку на паказ спектакля "Казкі Пушкіна". Новы сезон у тэатры адкрываецца сёння адноўленым спектаклем "Магічнае люстра пана Твардоўскага".

Гродзенскі абласны драмтэатр адкрые летні тэатральны сезон 4 чэрвеня спектаклем паводле п'есы Аляксандра Астроўскага "На ўсякага мудраца даволі прастаты". Слонімскі драмтэатр плануе пачаць паказы спектакляў у другой дэкадзе чэрвеня. Гродзенская капэла запрашае гледачоў 11 чэрвеня на канцэрт камернага аркестра ў Лютэранскай кірсе.

"У тэатрах і канцэртных арганізацыях вобласці прымаюцца ўсе неабходныя меры дэзынфекцыі. На мерапрыемства прадаецца абмежаваная колькасць білетаў, каб выканаць нормы сацыяльнага дыстанцыравання", - расказалі ва ўпраўленні культуры Гродзенскага аблвыканкама.

У штатным рэжыме працуюць і музеі рэгіёна. Можна наведваць іх у індывідуальным парадку альбо невялікімі групамі. Ва ўсіх музеях ёсць аўдыягіды. Акрамя таго, у некаторых музеях для зручнасці наведвальнікаў размешчаны QR-коды, што дае магчымасць азнаёміцца з экспазіцыяй без экскурсавода.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі