Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Белтэлерадыёкампанія аб'яўляе аб старце нацыянальнага адбору на "Еўрабачанне-2019"

Культура 22.01.2019 | 17:10
Скрыншот з відэа  Белтэлерадыёкампаніі
Скрыншот з відэа Белтэлерадыёкампаніі

22 студзеня, Мінск /Кар. БЕЛТА/. Белтэлерадыёкампанія пачынае прыём заявак для ўдзелу ў нацыянальным адборачным туры конкурсу песні "Еўрабачанне-2019". Аб гэтым БЕЛТА паведамілі ў прэс-службе медыяхолдынга.

Арганізатарам праекта выступае Белтэлерадыёкампанія, суарганізатарам - Міністэрства культуры. Палажэнне аб праекце размешчана на афіцыйным сайце медыяхолдынга www.tvr.by. Заяўка для ўдзелу ў праекце падаецца ў электронным выглядзе на сайце арганізатара па 31 студзеня ўключна.

Вынікі адборачнага тура будуць падведзены членамі фокус-групы 4 лютага, якія большасцю галасоў вызначаць дзесяць фіналістаў. Пры гэтым колькасць удзельнікаў, адабраных для фіналу, можа быць зменена рашэннем арганізатара па прапанове фокус-групы. У час правядзення праслухоўвання на сайце Белтэлерадыёкампаніі будзе весціся анлайн-трансляцыя.

Фінал пройдзе не пазней за 8 сакавіка ў прамым тэлевізійным эфіры ў форме шоу. Пераможца фіналу вызначыцца шляхам падсумоўвання балаў, выстаўленых членамі прафесійнага журы кожнаму ўдзельніку. Галасаванне журы будзе праводзіцца публічна. Фіналіст, які набраў найбольшую колькасць балаў, аб'яўляецца пераможцам нацыянальнага адборачнага тура і становіцца афіцыйным прадстаўніком Беларусі для ўдзелу ў міжнародным конкурсе.

Конкурс песні "Еўрабачанне-2019" пройдзе ў маі ў Тэль-Авіве (Ізраіль). Паўфіналы адбудуцца 14 і 16 мая, фінал - 18 мая.

Прамую трансляцыю двух паўфіналаў і фіналу "Еўрабачання-2019" традыцыйна будуць весці тэлеканалы Белтэлерадыёкампаніі - "Беларусь 1" і міжнародны спадарожнікавы тэлеканал "Беларусь 24".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Білеты на ІІ Еўрапейскія гульні Цырымонія адкрыцця - 21 чэрвеня, стадыён "Дынама" - кошт білета - Br150-300. Цырымонія закрыцця - 30 чэрвеня, стадыён "Дынама" - Br70-150.