У турэцкай правінцыі Адана абмеркавалі перспектывы супрацоўніцтва з Беларуссю

1 мая, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Турцыі Віктар Рыбак наведаў правінцыю Адана. Аб гэтым карэспандэнту БЕЛТА расказалі ў беларускім пасольстве ў Турцыі.

Кіраўнік беларускай дыпламатычнай місіі правёў сустрэчы з губернатарам правінцыі Адана Явуз Селімам Кешгерам, мэрам Аданы Зейданам Караларам, старшынямі гандлёвай і прамысловай палат гэтага рэгіёна Юджэлем Байрамы і Зекі Кыванчам.

У ходзе сустрэч субяседнікі абмеркавалі перспектыўныя напрамкі супрацоўніцтва правінцыі Адана з Рэспублікай Беларусь.

Акрамя таго, Віктар Рыбак наведаў шэраг прадпрыемстваў правінцыі пры садзейнічанні Ганаровага консула Беларусі ў Адане Мустафы Байыка.-0-