Мабільная версія
ДЗЯРЖОРГАНЫ

Апошнія навіны
Усе навіны

"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука

Культура 19.07.2019 | 14:01
Народная артыстка Беларусі Валянціна Гаявая і ансамбль "Харошкі". Фота з архіва
Народная артыстка Беларусі Валянціна Гаявая і ансамбль "Харошкі". Фота з архіва

19 ліпеня, Мінск /Кар. БЕЛТА/. Тэлеканал "Беларусь 3" прадаўжае адзначаць у эфіры памятныя для беларускай культуры даты - на наступным тыдні ў дні нараджэння Валянціны Гаявой і Генадзя Гарбука канал парадуе гледачоў тэматычнымі выпускамі ўласных праектаў, паказам канцэртных праграм і ігравога кіно, паведамілі БЕЛТА ў прэс-службе Белтэлерадыёкампаніі.

Так, 22 ліпеня, у дзень нараджэння народнай артысткі Беларусі мастацкага кіраўніка Беларускага дзяржаўнага акадэмічнага заслужанага харэаграфічнага ансамбля "Харошкі" Валянціны Гаявой, сацыякультурны тэлеканал пакажа ў 14.55 выпуск праекта "Майстры і куміры" з удзелам імянінніцы. У 15.45 гледачоў чакае "Покліч продкаў" - канцэрт ансамбля "Харошкі". У 22.45 "Беларусь 3" пакажа канцэртную праграму "Мой лёс - "Харошкі", прымеркаваную да дня нараджэння Валянціны Гаявой.

24 ліпеня споўніцца 85 гадоў з дня нараджэння народнага артыста Беларусі акцёра тэатра і кіно Генадзя Гарбука. З 23 па 26 ліпеня ў 21.05 на канале будзе выходзіць 4-серыйная гістарычная драма Сяргея Шульгі "Талаш" ("Беларусьфільм", 2011) па матывах аповесці Якуба Коласа "Дрыгва", у галоўнай ролі - Генадзь Гарбук.

Акрамя таго, 24 ліпеня канал "Беларусь 3" пакажа ў 15.00 выпуск праекта "Камертон", прысвечаны Генадзю Гарбуку, а ў 21.55 у праграме "Майстры і куміры" - размова Генадзя Міхайлавіча і Марыны Драгінай, якая адбылася ў 2017 годзе, аб доўгім творчым шляху народнага артыста Беларусі.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Лясы Беларусі Лес - адно з самых значных прыродных багаццяў Беларусі. Усе лясы ў рэспубліцы з'яўляюцца выключна ўласнасцю дзяржавы.