1 ліпеня, Мінск /Кар. БЕЛТА/. Старшынства ў Савеце Еўрапейскага саюза з 1 ліпеня на паўгода па прынцыпе шасцімесячнай ратацыі перайшло ад Нідэрландаў да Славакіі, паведамляюць інфармацыйныя агенцтвы.
Славакія, якая далучылася да ЕС у 2004 годзе, гэтыя функцыі выконвае ўпершыню. Краіна будзе старшынстваваць да 31 снежня 2016 года.
Чакаецца, што адным з важнейшых пытанняў, над якім Славакія будзе працаваць, стане ўмацаванне адзінства ЕС. Менавіта ў ходзе славацкага старшынства ў Савеце ЕС павінны быць пачаты перагаворы аб выхадзе Вялікабрытаніі з інтэграцыйнага аб'яднання. У цэнтры ўвагі таксама будуць праблемы міграцыі, паляпшэнне эканамічнай сітуацыі.-0-