20 красавіка, Сеул /БЕЛТА - Рэнхап/. КНДР і Рэспубліка Карэя сёння ўстанавілі прамую тэлефонную лінію экстраннай сувязі паміж лідарамі дзвюх карэйскіх дзяржаў.
З мэтай праверкі лініі сувязі паўднёвакарэйскіх бок зрабіў першы званок, у адказ быў зроблены званок з боку КНДР. Увогуле размова доўжылася чатыры хвіліны 17 секунд. Збояў у рабоце лініі выяўлена не было.
Гэты крок быў зроблены напярэдадні міжкарэйскага саміту паміж прэзідэнтам Рэспублікі Карэя Мун Чжэ Інам і лідарам КНДР Кім Чэн Ынам, які пройдзе 27 красавіка.-0-