26 жніўня, Мінск /Кар. БЕЛТА/. Прэс-канферэнцыя, прысвечаная асноўным вынікам выступлення беларускіх спартсменаў на XXXI летніх Алімпійскіх гульнях у Рыа-дэ-Жанэйра, адбудзецца ў прэс-цэнтры БЕЛТА 30 жніўня ў 12.00.
У мерапрыемстве прымуць удзел прадстаўнікі Міністэрства спорту і турызму, Нацыянальнага алімпійскага камітэта, трэнерскага штаба, а таксама алімпійскі чэмпіён па скачках на батуце Уладзіслаў Ганчароў і сярэбраны прызёр Алімпійскіх гульняў у кіданні молата Іван Ціхан.
Летнія Алімпійскія гульні-2016 прайшлі з 5 па 21 жніўня ў Рыа-дэ-Жанэйра (Бразілія). Беларускія атлеты заваявалі 9 медалёў: алімпійскім чэмпіёнам стаў Уладзіслаў Ганчароў, які выйграў золата ў спаборніцтвах скакуноў на батуце. Сярэбраныя медалі заваявалі барцы Дар'я Навумава, Вадзім Стральцоў (цяжкая атлетыка), Марыя Мамашук (жаночая барацьба), Іван Ціхан (лёгкая атлетыка), уладальнікамі бронзавых медалёў сталі барцы Джавід Гамзатаў, Ібрагім Саідаў, плыўчыха Аляксандра Герасіменя і экіпаж байдаркі-чацвёркі Маргарыта Махнёва, Надзея Ляпешка, Вольга Худзенка, Марына Літвінчук. Беларуская алімпійская зборная заняла 40-е месца ў агульнакамандным медальным заліку.
Акрэдытацыя СМІ абавязковая. Акрэдытавацца можна па тэлефонах (017) 327-24-47, (029) 645-43-38, электроннай пошце: pressuser@belta.by і на сайце БЕЛТА www.belta.by. Электронныя заяўкі дзейнічаюць толькі пасля атрымання пацвярджэння. Адрас прэс-цэнтра: г.Мінск, вул.Энгельса, 30-303.-0-
