18 верасня, Мінск /Кар. БЕЛТА/. Марыя Шарапава з-за траўмы датэрмінова завяршыла тэнісны сезон. Такую інфармацыю апублікаваў афіцыйны сайт сусветнай Жаночай тэніснай асацыяцыі (WTA), паведамляе карэспандэнт БЕЛТА.
Расіянка прыняла рашэнне не выступаць на турнірах у Пекіне, Цяньцзіні і маскоўскім Кубку Крамля.
"Хацелася абараніць тытул пераможцы турніру ў Цяньцзіні, але мне неабходны час на аднаўленне пасля траўмы", - адзначыла Марыя Шарапава.
Былая першая ракетка свету плануе пачаць новы тэнісны сезон на турніры ў кітайскім Шэньчжэні.-0-