Мабільная версія
ДЗЯРЖОРГАНЫ
Апошнія навіны
Усе навіны

Лельчыцкі "Альянс" перамог у "Залатой шайбе" ў старэйшай узроставай групе дывізіёна Б

Спорт 23.03.2017 | 16:40

23 сакавіка, Мінск /Кар. БЕЛТА/. Лельчыцкі "Альянс" перамог у рэспубліканскіх спаборніцтвах "Залатая шайба" ў старэйшай узроставай групе дывізіёна Б, паведамілі карэспандэнту БЕЛТА ў Прэзідэнцкім спартыўным клубе.

Матчы вырашальнай стадыі прайшлі ў Лядовым палацы ў Пружанах. У фінальнай гульні юныя хакеісты з Гомельскай вобласці, уступаючы па ходзе сустрэчы камандзе "Кадзіна" з Магілёўскага раёна, змаглі зраўнаваць лік - 3:3, а ў серыі пасляматчавых булітаў закінулі вырашальную шайбу.

Дзятлаўскае "Юнацтва" з Гродзенскай вобласці ў авертайме абыграла "Унікума" з Барысаўскага раёна (4:3) і стала бронзавым прызёрам. Лепшымі ігракамі турніру прызнаны: варатар - Ягор Чэрнік ("Зорная", Пружанскі раён), абаронца - Аляксандр Шышня ("Юнацтва"), нападаючы - Мікіта Хаданёнак ("Кадзіна"), лепшы бамбардзір - Сяргей Казачэнка ("Альянс").

Сімвалічная пяцёрка турніру: Дзяніс Кашко ("Юнацтва"), Данат Бяркоўскі ("Унікум"), Валерый Касінскі ("Альянс"), Вадзім Быстроў ("Кадзіна"), Уладзіслаў Прасвяшчэннікаў (Гарадок, Віцебская вобласць).

Як паведамлялася, раней перамогу ў дывізіёне Б у малодшай узроставай групе атрымалі "Арляняты" з аграгарадка Орля Шчучынскага раёна Гродзенскай вобласці.

У "Залатой шайбе" ў дывізіёне Б удзельнічаюць каманды раёнаў і гарадоў, дзе няма крытых каткоў са штучным лёдам. Такі варыянт дазваляе павысіць узровень саперніцтва паміж камандамі і ў той жа час дае магчымасць камандам з глыбінкі таксама пазмагацца за ганаровы трафей.

Рэспубліканскія спаборніцтвы "Залатая шайба" былі адроджаны дзякуючы ініцыятыве кіраўніка дзяржавы Аляксандра Лукашэнкі. З 1997 года турнір праводзіцца на прызы Прэзідэнта Беларусі.

Арганізатарамі спаборніцтваў "Залатая шайба" з'яўляюцца Прэзідэнцкі спартыўны клуб, Міністэрства спорту і турызму, Міністэрства адукацыі, БРСМ, Федэрацыя хакея Беларусі, дзіцяча-юнацкі клуб па хакеі "Залатая шайба".-0-

Фота Кацярыны Гараевай.

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Мінск уваходзіць у топ-3 гарадоў СНД для падарожжаў Аналітычнае агенцтва "ТурСтат" склала рэйтынг самых папулярных гарадоў СНД для расiйскиiх турыстаў летам 2017 года.