18 красавіка, Мінск /Кар. БЕЛТА/. Адразу ў трох еўрапейскіх краінах сталі датэрмінова вядомы футбольныя чэмпіёны, паведамляе карэспандэнт БЕЛТА.
У Англіі, у адным з самых моцных кантынентальных першынстваў Старога Свету, за 5 тураў да фінішу золата забяспечыў сабе "Манчэстэр Сіці". Пасля перамогі ў гасцявым паядынку над лонданскім "Тотэнхэмам" (3:1) каманда Хасэпа Гвардзіёлы набрала 87 ачкоў і стала недасягальнай для канкурэнтаў. Галоўны канкурэнт "МС" у барацьбе за чэмпіёнскі тытул "Манчэстэр Юнайтэд" нечакана прайграў у сябе дома "Вест Бромвічу" (0:1) і канчаткова страціў шанцы на золата, застаўшыся з 71-м заліковым балам. Больш таго, у футбалістаў "МЮ" цяпер наперадзе жорсткая барацьба за серабро з "Ліверпулем", які адстае ўсяго на адно ачко. Акрамя гэтых клубаў на месца ў прызавой тройцы прэтэндуюць лонданскі "Тотэнхэм" (67 ачкоў), "Чэлсі" (60) і "Арсенал" (54).
У Францыі свой 7-ы тытул эфектна заваяваў "Пары Сен-Жэрмен", які разграміў у 33-м туры галоўнага канкурэнта "Манака" з лікам 7:1. За 5 тураў да заканчэння турніру ў актыве "ПСЖ" 87 ачкоў, "Манака" адстае на 17 балаў, па 66 ачкоў набралі "Ліён" і "Марсэль".
Чэмпіёнам Нідэрландаў ужо 28-ы раз стаў ПСВ з Эйндхавена, які ўпэўнена перайграў у 31-м туры свайго амстэрдамскі "Аякс" - 3:0. У ПСВ цяпер 80 ачкоў, "Аякс" мае 70 балаў, які ідзе трэцім "Алкмаар" набраў 65 ачкоў.
У Іспаніі чарговы крок да свайго 25-га чэмпіёнства зрабілі футбалісты "Барселоны", якія перамаглі ў 32-м туры "Валенсію" з лікам 2:1. У актыве "Барсы" 81 ачко, у мадрыдскага "Атлетыка" 71 бал, футбалісты "Рэала" маюць 67, "Валенсія" набрала 67 ачкоў.-0-
