23 красавіка, Мінск /Кар. БЕЛТА/. Футбалісты брэсцкага "Дынама" не змаглі адолець "Смалявічы" ў 4-м туры чэмпіянату Беларусі, паведамляе карэспандэнт БЕЛТА.
Брастаўчане адкрылі лік на 28-й хвіліне гульні пасля ўдару Паўла Сачыцкага. Аднак дэбютанты вышэйшай лігі не збіраліся здавацца - у самым пачатку другога тайма Арцём Фядзянін зраўнаваў рэзультат, а потым капітан каманды Валерый Гарбачык вывеў гасцей наперад. "Смалявічы" былі вельмі блізкія да сваёй першай вікторыі ў эліце, але не ўтрымалі пераможны лік, прапусціўшы гол ад Паўла Няхайчыка на 4-й дабаўленай хвіліне гульні - 2:2.
Рэзультаты іншых сустрэч: "Прамень" (Мінск) - "Слуцк" - 0:3, "Дынама" (Мінск) - "Гомель" - 2:1, "Тарпеда" (Мінск) - "Нёман" - 0:1, "Іслач" - "Гарадзея" - 0:0, "Тарпеда-БелАЗ" - "Мінск" - 2:1.
Становішча ў групе лідараў: "Дынама" (Мінск) - 10 ачкоў (4 матчы), БАТЭ - 9 (3), "Слуцк" - 8 (4), "Віцебск" - 7 (3), "Днепр" - 7 (3).
Заключныя матчы 4-га тура пройдуць сёння вечарам: "Віцебск" - БАТЭ (Барысаў), "Днепр" (Магілёў) - "Шахцёр" (Салігорск).-0-