26 чэрвеня, Мінск /Кар. БЕЛТА/. Сёння на кортах Усеанглійскага лаўн-тэніснага клуба стартавалі кваліфікацыйныя паядынкі Уімблдонскага турніру, паведамляе карэспандэнт БЕЛТА.
Першым з прадстаўнікоў Беларусі на траву Уімблдона выйшаў Ягор Герасімаў (166-ы нумар сусветнага рэйтынгу). У матчы з брытанцам Аляксандрам Уордам (855) беларус упэўнена выйграў першы сэт - 6:1, але потым уступіў у дзвюх партыях (5:7, 3:6) і выбыў з барацьбы за тое, каб трапіць у асноўную сетку трэцяга ў гэтым сезоне турніру серыі Вялікага шлема.
Сапернікам яшчэ аднаго беларускага тэнісіста Ільі Івашкі (161) будзе славенец Грэга Жэмля (237).
На турніры ў брытанскім Істбарне беларус Максім Мірны і паляк Марцін Маткоўскі ў стартавым матчы парнага разраду згуляюць з аўстрыйскім тандэмам Юліян Ноўл / Філіп Освальд.-0-
