24 ліпеня, Мінск /Кар. БЕЛТА/. Алімпійскі чэмпіён Рыа-2016 прадстаўнік Расіі Аляксандр Лясун стаў уладальнікам золата чэмпіянату Еўропы па сучасным пяцібор'і ў Мінску, паведамляе карэспандэнт БЕЛТА.
У фінале кантынентальнага першынства 29-гадовы выхаванец беларускай школы пяцібор'я набраў па суме пяці дысцыплін 1462 ачкі. Уладальнікам сярэбранага медаля стаў венгр Роберт Каса, які адстаў ад Лесуна ўсяго на 4 балы, бронзу заваяваў француз Валянцін Бело, у якога 1454 ачкі.
Лепшым з квартэта беларускіх пяціборцаў стаў Павел Ціханаў, які набраў 1410 балаў, гэта 11-е месца. Астатнія беларусы занялі такія падагульняючыя пазіцыі: 17 - Ілья Палазкоў (1394 ачкі), 19 - Мікалай Гаяноўскі (1382), 29 - Кірыл Касьянік (1357).
У медальнай скарбонцы беларускай зборнай на дамашнім чэмпіянаце кантынента пакуль дзве ўзнагароды - золата Настассі Пракапенка ў асабістым заліку і бронза ў жаночай эстафеце, якую заваявалі Кацярына Арол і Таццяна Халдоба.
Сёння вызначацца прызёры ў заключным відзе спаборніцкай праграмы - змешанай эстафеце. Беларусь прадставяць Кацярына Арол і Павел Ціханаў.-0-
Фота Аксаны Манчук
