11 лістапада, Мінск /Кар. БЕЛТА/. Мінскія ўнівермагі ў лістападзе прапануюць пакупнікам скідкі 15-20 працэнтаў, паведамілі карэспандэнту БЕЛТА ў галоўным упраўленні спажывецкага рынку Мінгарвыканкама.
Так, у ААТ "ГУМ" 12 лістапада скідка на жаночы, мужчынскі асартымент адзення і абутку складзе 20 працэнтаў, 19 лістапада на дзіцячае адзенне, абутак, цацкі, канцтавары - 17 працэнтаў, 26 лістапада на ўсе нехарчовыя тавары - 20 працэнтаў.
На 17 працэнтаў танней можна будзе набыць 14 і 28 лістапада ўсе нехарчовыя тавары ў ААТ "ЦУМ Мінск".
Скідку 20 працэнтаў на ўсе нехарчовыя тавары прадаставіць 11, 18 і 25 лістапада ТАА "ГД "На Нямізе".
Скідку ў такім жа памеры на ўсе нехарчовыя тавары прапануе пакупнікам 17 і 24 лістапада ГКУП "Універмаг "Беларусь".
Ва УП "Кірмаш" 11, 18 і 25 лістапада скідка на ўсе нехарчовыя тавары складзе 15 працэнтаў.-0-
