Мабільная версія
ДЗЯРЖОРГАНЫ
Апошнія навіны
Усе навіны

Гарачыня ў Беларусі можа паўплываць на ўраджай бульбы і кукурузы

Грамадства 27.06.2016 | 13:34

27 чэрвеня, Мінск /Эдуард Мартынюк - БЕЛТА/. Высокая тэмпература і няхватка глебавай вільгаці пагаршаюць аграметэаралагічныя ўмовы для фарміравання ўраджаю кукурузы, бульбы і шэрага іншых культур. Аб гэтым паведаміла карэспандэнту БЕЛТА начальнік аддзела аграметэаралагічных прагнозаў Рэспубліканскага гідраметэацэнтра Надзея Мельчакова.

"Гарачае і ў асноўным сухое надвор'е ўсталявалася ў Беларусі. Інтэнсіўна ідзе страта вільгаці з глебы. Для большасці сельскагаспадарчых культур такі высокі тэмпературны рэжым ды яшчэ ў спалучэнні з няхваткай вільгаці неспрыяльны. Напрыклад, высокія тэмпературы глебы ўплываюць на ўтварэнне і фарміраванне клубняў бульбы, а сёння нават у такой цеплалюбівай культуры, як кукуруза, месцамі ўжо назіраецца дачаснае засыханне лісця", - сказала Надзея Мельчакова.

Паводле слоў спецыяліста, такое надвор'е добрае толькі для цеплалюбівых раслін (агуркі, памідоры) і то пры наяўнасці штучнага арашэння.

Нават калі гарачыня аслабне, то без дажджоў умовы для ўраджаю па-ранейшаму застануцца складанымі. "З-за гарачыні можа паскорыцца паспяванне збожжавых і скараціцца перыяд наліву коласа, што можа прывесці да зніжэння колькасці зярнят у коласе і змяншэння іх масы. Сітуацыя выклікае занепакоенасць, аднак не з'яўляецца крытычнай", - лічыць Надзея Мельчакова.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.