26 жніўня, Мінск /Кар. БЕЛТА/. Прадаўжаецца прыём дакументаў у прафесійныя ліцэі і прафесійна-тэхнічныя каледжы. Такая інфармацыя размешчана на сайце Міністэрства адукацыі, паведамляе БЕЛТА.
"У адпаведнасці з заканадаўствам прадоўжаны тэрміны прыёму ў 111 установах прафтэхадукацыі да поўнага ўкамплектавання вучэбных груп, але не пазней, чым да 15 верасня. Прадаўжаецца прыём пераважна па прафесіях машынабудавання, будаўніцтва, лёгкай прамысловасці, сельскай гаспадаркі", - сказана ў паведамленні.
Больш падрабязную інфармацыю можна атрымаць на сайтах устаноў адукацыі і на партале Міністэрства адукацыі.-0-
