24 сакавіка, Мінск /Кар. БЕЛТА/. Беларусы не пацярпелі ў час тэракта ў Вялікабрытаніі. Аб гэтым паведаміў першы сакратар пасольства Беларусі ў Вялікабрытаніі Кірыл Зямцоў у эфіры тэлеканала АНТ, паведамляе БЕЛТА.
"Паводле даных паліцыі, сярод пацярпелых няма грамадзян Беларусі. Тым не менш мы рэкамендуем настойліва не наведваць нашым грамадзянам масавыя мерапрыемствы, а ў выпадках неабходнасці звязвацца з пасольствам па тэлефонах, пазначаных на сайце пасольства", - сказаў Кірыл Зямцоў.
Як паведамлялася, 22 сакавіка ў Лондане тэрарыст на аўтамабілі стаў тараніць пешаходаў на Вестмінстэрскім мосце, а потым напаў з нажом на паліцэйскіх, імкнучыся трапіць на тэрыторыю брытанскага парламента. Нападаючы быў ліквідаваны праваахоўнікамі. Ад яго рук загінула некалькі чалавек, дзясяткі пацярпелі. Вядома, што сярод загінулых ёсць паліцэйскі. Яго звалі Кіт Палмер, ён прапрацаваў у паліцыі 15 гадоў.-0-
