Мабільная версія
ДЗЯРЖОРГАНЫ
Апошнія навіны
ІНФАГРАФІКА: Час стаць прыкметней
20 кастрычніка 2017 Стужка навiн
Усе навіны

Прэзідэнт: неабходна зняць бар'еры, якія тармозяць развіццё бізнесу ў малых гарадах і ў вёсцы

Прэзідэнт 15.09.2017 | 12:34
Аляксандр Лукашэнка і Уладзімір Калтовіч
Аляксандр Лукашэнка і Уладзімір Калтовіч

15 верасня, Мінск /Міхаіл Маціеўскі - БЕЛТА/. Неабходна зняць бар'еры, якія тармозяць развіццё бізнесу ў малых гарадах і ў вёсцы. Такое даручэнне даў Прэзідэнт Беларусі Аляксандр Лукашэнка, прымаючы сёння з дакладам міністра антыманапольнага рэгулявання і гандлю Уладзіміра Калтовіча па праекце ўказа "Аб стварэнні ўмоў для развіцця гандлю, грамадскага харчавання, бытавога абслугоўвання насельніцтва", перадае карэспандэнт БЕЛТА.

У час праведзенай у жніўні нарады па пытаннях стымулявання дзелавой ініцыятывы, на якой разглядаўся пакет адпаведных дакументаў, кіраўнік дзяржавы паставіў задачу кіраўнікам профільных ведамстваў падрабязна далажыць аб кожным з праектаў заканадаўчых актаў. Вобразна кажучы, абараніць дакумент перад яго падпісаннем.

"Гандаль, грамадскае харчаванне, бытавыя паслугі вельмі важны і перш за ўсё ў малых гарадах і ў вёсцы. Нікому не трэба гэта тлумачыць. Меры, якія мы будзем прымаць, павінны быць звернуты на гэты сектар аказання паслуг. Мы дамаўляліся аб тым, што трэба зняць бяздумныя, непатрэбныя меры, якія тармозяць развіццё, перашкаджаюць працаваць: напрыклад, колькі халадзільнікаў мець, дзе посуд мыць, куды ісці, куды не ісці, што несці і як. Трэба рабіць гэта проста, але з санітарнага пункту гледжання, арганізацыйных мер усё павінна быць абсалютна зразумела для людзей і бяспечна. Вось уся канцэпцыя", - сказаў Аляксандр Лукашэнка.

Кіраўнік дзяржавы спытаў, якія падыходы закладзены ў праекце разглядаемага ўказа, якія змяненні ўносіліся ў яго пасля абмеркавання.

Як далажыў Уладзімір Калтовіч, прыняцце дакумента выклікана неабходнасцю захаваць гарантаванае і дастойнае абслугоўванне насельніцтва ў сельскай мясцовасці па якасці, цане і асартыменце. Пры падрыхтоўцы праекта ўказа ўлічваўся галоўны прынцып - ніякія, нават самыя добрыя, мэты лібералізацыі бізнесу не могуць і не павінны выключыць страту кантролю і кіруемасць у эканоміцы.

"Гэтым указам прапануецца механізм, які рэалізуе задачу: канкурэнцыя ўсюды, дзе магчыма, дзяржаўнае рэгуляванне там, дзе неабходна", - адзначыў міністр.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.