27 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Азербайджана Ільхама Аліева з нагоды пераканаўчай падтрымкі грамадзянамі Азербайджана прапанаваных канстытуцыйных змяненняў. Аб гэтым БЕЛТА паведамілі ў прэс-службе беларускага лідара.
"Вынікі рэферэндуму красамоўна сведчаць аб высокай ступені даверу азербайджанскага грамадства да праводзімага Вамі палітычнага і эканамічнага курсу, накіраванага на захаванне стабільнасці, умацаванне дэмакратычных каштоўнасцей, далейшае ўсебаковае развіццё дзяржавы і прагрэс", - гаворыцца ў віншаванні.-0-
