24 жніўня, Мінск /Міхаіл Маціеўскі - БЕЛТА/. Пытанне аб захаванні дзесяцібальнай або вяртанні да пяцібальнай сістэмы ацэнак - не асноўнае. Аб гэтым Прэзідэнт Беларусі Аляксандр Лукашэнка заявіў сёння на пленарным пасяджэнні Рэспубліканскага педагагічнага савета, перадае карэспандэнт БЕЛТА.
"Дзесяці-, пяцібальная сістэма... Усе спрачаюцца, якой быць заўтра ацэнцы і гэтак далей. Не асноўнае пытанне. Мае месца, але не асноўнае", - сказаў Аляксандр Лукашэнка.
Прэзідэнт нагадаў, што да дзесяцібальнай сістэмы ацэнак некалькі гадоў таму ў Беларусі перайшлі хутка, без усялякіх дыскусій, не праверыўшы і не пратэсціраваўшы гэту сістэму. "Сёння многія пачынаюць разважаць, а ці правільна зрабілі. Некаторыя гавораць, што трэба вярнуцца да пяцібальнай: яна была зразумелай, яна была не горшай за гэту. Многія гавораць, што не трэба і да таго падобнае, - адзначыў кіраўнік дзяржавы. - Гэта адзін з прыкладаў, калі мы, не прадумаўшы, на практыцы не праверыўшы напрамак дзеянняў у гэтай сферы, хуценька за яе схапіліся. Прайшоў час - аказалася, што, па крайняй меры, без гэтага можна было абысціся".-0-
