10 лістапада, Мінск /Кар. БЕЛТА/. Парламенцкая дэлегацыя Беларусі на чале са старшынёй Палаты прадстаўнікоў Уладзімірам Андрэйчанкам наведае Судан з афіцыйным візітам з 13 па 16 лістапада. Аб гэтым карэспандэнту БЕЛТА паведамілі ў прэс-службе парламента.
Запланаваны сустрэчы Уладзіміра Андрэйчанкі з кіраўніцтвам Судана. "Асаблівая ўвага на перагаворах будзе ўдзелена пытанням развіцця двухбаковага супрацоўніцтва ў сферах прамысловасці, здабычы карысных выкапняў, умацавання дагаворна-прававой базы", - праінфармавалі ў прэс-службе.
У рабоце парламенцкай дэлегацыі прымуць удзел прадстаўнікі буйных беларускіх прадпрыемстваў.
Раней, у пачатку кастрычніка, Палата прадстаўнікоў ратыфікавала дагавор аб дружалюбных адносінах і супрацоўніцтве паміж Беларуссю і Суданам. Такім чынам, бакі дамовіліся развіваць раўнапраўнае і ўзаемавыгаднае супрацоўніцтва ў розных сферах, садзейнічаць развіццю кантактаў паміж парламентамі і іншымі выбарнымі органамі ўлады, узаемадзейнічаць у ААН і іншых міжнародных і рэгіянальных арганізацыях.
У Нацыянальным сходзе Беларусі створана рабочая група па супрацоўніцтве з парламентам Судана, яе ўзначальвае дэпутат Дзмітрый Шаўцоў.-0-
