28 сакавіка, Масква /Эдуард Півавар - БЕЛТА/. Беларусь і Уганда маюць намер развіваць двухбаковую дагаворна-прававую базу. Аб гэтым ішла размова сёння ў Маскве на сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Уганды ў РФ і Беларусі (па сумяшчальніцтве) Мозесам Эбукам, паведамілі БЕЛТА ў прэс-службе беларускай дыпмісіі.
"Бакі абмеркавалі стан і перспектывы развіцця ўзаемавыгаднага беларуска-ўгандыйскага супрацоўніцтва, - адзначылі ў прэс-службе. - Асаблівая ўвага была ўдзелена абмеркаванню графіка кантактаў на вышэйшым і высокім узроўнях, а таксама развіццю дагаворна-прававой базы двухбаковых адносін".
Дыпламатычныя адносіны паміж Беларуссю і Угандай устаноўлены 2 кастрычніка 1998 года. Аб'ём двухбаковага тавараабароту па выніках 2016 года склаў $15,4 млн.-0-
