Мабільная версія
ДЗЯРЖОРГАНЫ
Апошнія навіны
Усе навіны
Анатоль Ісачанка

Улады падтрымаюць людзей, якія хочуць змяніць сваю малую радзіму

Меркаванні 22.03.2018 | 12:11
Анатоль Ісачанка Анатоль Ісачанка Старшыня Мінскага абласнога выканаўчага камітэта

Улады будуць дапамагаць людзям, якія імкнуцца ўнесці свой уклад у змяненне малой радзімы. Аб гэтым журналістам заявіў старшыня Мінаблвыканкама Анатоль Ісачанка, які 21 сакавіка ў Мядзелі правёў прыём грамадзян па асабістых пытаннях, перадае карэспандэнт БЕЛТА.

"Як вядома, 2018 год у Беларусі абвешчаны Годам малой радзімы. Калі чалавек любіць сваю малую радзіму і хоча ўнесці ўклад у яе змяненне, гэта добра. Важна, каб усё рабілася ў рамках заканадаўства. Улады падтрымаюць такія пачынанні і дапамогуць, - сказаў Анатоль Ісачанка. - Аднак няправільна маніпуліраваць паняццем малой радзімы ў асабістых мэтах".

Тэма малой радзімы не раз закраналася ў час прыёму ў кіраўніка Мінскай вобласці. Напрыклад, жыхар Мядзела прапанаваў дапамагчы ва ўстараненні прасадкі грунту ў падвалах жылога дома нумар 25в па вул. Заазёрнай райцэнтра. Паводле яго слоў, у шматкватэрным доме раней існаваў жыллёва-будаўнічы кааператыў. Пасля дом перайшоў на баланс УП "Мядзельская жыллёва-камунальная гаспадарка". З часам грунт у падвале дома прасеў, што, урэшце, не ўплывае на бяспеку будынка.

Анатоля Ісачанку праінфармавалі, што цяпер рыхтуецца праектна-каштарысная дакументацыя на водапаніжэнне, прычым адразу на некалькі дамоў, якія размешчаны побач. Праект прадугледжвае аднаўленне адмосткі, тэхнічны стан падвалаў у доме ў хуткім часе будзе абследаваны спецыялістамі. Мужчына, які звярнуўся на прыём да кіраўніка вобласці, запэўніў, што жыльцы разумеюць сутнасць праблемы і гатовы асабіста ўдзельнічаць у яе вырашэнні. Старшыня аблвыканкама ў сваю чаргу прапанаваў пасля гатоўнасці праекта прадстаўнікам ЖКГ і жыльцам сумесна прыняць рашэнне, каб паскорыць рамонтныя работы. Можна даручыць іх падрадчыку, пры ўмове прапарцыянальнага фінансавання з абодвух бакоў. Іншы варыянт - прадаставіць уласнікам кватэр матэрыялы для самастойнага правядзення рамонту падвала. Усе зацікаўленыя згадзіліся з гэтым. Жыхар райцэнтра заўважыў, што такім чынам людзі паўдзельнічаюць у патрэбным для сваёй малой радзімы пачынанні.

Прыём у губернатара не абышоўся без разгляду жыллёвых і зямельных пытанняў. Так, мужчына з Мядзела хадайнічаў аб зніжэнні ацэначнага кошту кватэры, набываемай у ААТ "Мядзельскі райаграпрамэнерга". У працэсе прыватызацыі была праведзена ацэнка гэтага жылога памяшкання. Грамадзянін з ёй раней згадзіўся і падпісаў неабходныя дакументы. Паводле ўмоў дагавора куплі-продажу кватэры, яна набыта ў растэрміноўку на пяць гадоў. Цяпер пакупнік хацеў бы павялічыць гэты перыяд да сямі гадоў. Анатоль Ісачанка растлумачыў, што гэта пытанне не ў кампетэнцыі старшыні аблвыканкама і яго трэба вырашаць выключна з уласнікам - акцыянерным таварыствам.

Звярнулася і жанчына з в. Канстанцінава Мядзельскага раёна, якая разглядае набыццё жылога дома ў ААТ "Свір-Агра", дзе пражывае і цяпер. З праведзенай ацэнкай нерухомай маёмасці яна не згодна і дабіваецца правядзення тэхнічнай экспертызы будынка. Парадак дзеянняў ёй таксама быў растлумачаны.

Сямейная пара з в. Гатавічы прасіла губернатара прадаставіць ім ва ўласнасць зямельны ўчастак каля возера Нарач. У канцы мінулага года завяршыўся тэрмін часовага карыстання гэтым участкам, які ў агульнай колькасці склаў 15 гадоў. Заяўнікі неаднаразова звярталіся ў мясцовыя органы ўлады з просьбай аб продажы яго па кадастравым кошце. Мэта атрымання ўчастка, які знаходзіцца ў непасрэднай блізкасці ад азёрнай берагавой лініі, - развіццё такіх відаў спорту, як віндсёрфінг, кайтсёрфінг. Але ўчастак трапляе ў аўкцыённую зону. Аб завяршэнні тэрміну арэнды і новым прававым статусе зямлі, якая падпадае пад продаж з аўкцыёну, мужа і жонку папярэджвалі. "Я не супраць, каб гэта зямля была вашай, але яе трэба набыць ва ўстаноўленым парадку", - сказаў Анатоль Ісачанка.

Прынцыповае пытанне работы гімназіі-інтэрната ў Мядзелі з губернатарам абмеркавалі жыхаркі раёна. Жанчыны спыталі, ці не плануецца закрыццё гэтай дзяржаўнай установы адукацыі. Іх запэўнілі, што такіх намераў няма. У адпаведнасці са змяненнямі правіл прыёму набор у 5-я класы гімназій будзе праводзіцца без уступных іспытаў.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.