11 чэрвеня, Мінск /Кар. БЕЛТА/. Індэкс спажывецкіх цэн на тавары і паслугі ў маі 2018 года ў параўнанні з красавіком 2018 года склаў 99,7 працэнта, са снежнем 2017 года - 102,5 працэнта, паведамілі БЕЛТА ў Нацыянальным статыстычным камітэце.
Базавы індэкс спажывецкіх цэн, які выключае змяненне цэн на асобныя тавары і паслугі, што падпадаюць пад уплыў фактараў адміністрацыйнага і сезоннага характару, у маі 2018 года ў параўнанні з красавіком 2018 года склаў 99,96 працэнта, са снежнем 2017 года - 101,6 працэнта.
Харчовыя тавары ў маі патаннелі на 0,6 працэнта ў параўнанні з красавіком 2018 года, нехарчовыя - на 0,03 працэнта. Паслугі падаражэлі ў маі на 0,1 працэнта.-0-
