Фота з архіва
10 мая, Мінск /Кар. БЕЛТА/. На Беларускай універсальнай таварнай біржы зарэгістравана першая транзітная здзелка па рэалізацыі сметанковага масла. Аб гэтым паведамілі БЕЛТА ў прэс-службе БУТБ.
Так, у ходзе біржавых таргоў на знешні рынак кампанія з Маскоўскай вобласці Расіі набыла 20 т сметанковага масла ў пастаўшчыка з Ленінградскай вобласці.
Як растлумачылі на БУТБ, замежныя ўдзельнікі рэгулярна выкарыстоўваюць беларускую біржавую пляцоўку для міжрэгіянальнага і трансгранічнага гандлю. Перш за ўсё гэта датычыцца рэзідэнтаў Расійскай Федэрацыі, на якіх па выніках 2023 года прыпала больш за 90 працэнтаў усіх транзітных здзелак.
"У 2023 годзе агульная сума транзітных кантрактаў перавысіла $12 млн, а ў ролі прадаўцоў і пакупнікоў выступалі ў асноўным кампаніі з рэгіёнаў РФ - Маскоўскай,Смаленскай, Ленінградскай, Іркуцкай, Калінінградскай і іншых абласцей. У бягучым годзе назіраецца падобная карціна: транзітныя здзелкі заключаюць пераважна расійскія ўдзельнікі таргоў. На сённяшні дзень аб'ём такіх здзелак складае амаль $2 млн. Пры гэтым наменклатура тавараў, уключаных у транзітны біржавы гандаль, пастаянна пашыраецца, у тым ліку за кошт росту колькасці акрэдытаваных на біржы расійскіх прадпрыемстваў, якія прадстаўляюць розныя галіны эканомікі. Так, з пачатку года ўдзельнічаць у біржавых таргах сталі больш за 200 новых рэзідэнтаў РФ, а ў рамках транзітных здзелак цяпер рэалізуецца не толькі мэбля, тэкстыль і некаторыя віды будматэрыялаў, але і прадукцыя сельскай гаспадаркі, нафтахімія і імпартазамяшчальныя тавары", - расказалі ў прэс-службе біржы.
Галоўная асаблівасць транзітных біржавых здзелак у тым, што абодва контрагенты - прадавец і пакупнік - з'яўляюцца нерэзідэнтамі Беларусі, а пляцоўка БУТБ выкарыстоўваецца як інструмент мінімізацыі рызык. Цяпер транзітныя здзелкі заключаюцца як паміж кампаніямі з адной і той жа краіны, так і паміж рэзідэнтамі розных дзяржаў.-0-
Так, у ходзе біржавых таргоў на знешні рынак кампанія з Маскоўскай вобласці Расіі набыла 20 т сметанковага масла ў пастаўшчыка з Ленінградскай вобласці.
Як растлумачылі на БУТБ, замежныя ўдзельнікі рэгулярна выкарыстоўваюць беларускую біржавую пляцоўку для міжрэгіянальнага і трансгранічнага гандлю. Перш за ўсё гэта датычыцца рэзідэнтаў Расійскай Федэрацыі, на якіх па выніках 2023 года прыпала больш за 90 працэнтаў усіх транзітных здзелак.
"У 2023 годзе агульная сума транзітных кантрактаў перавысіла $12 млн, а ў ролі прадаўцоў і пакупнікоў выступалі ў асноўным кампаніі з рэгіёнаў РФ - Маскоўскай,Смаленскай, Ленінградскай, Іркуцкай, Калінінградскай і іншых абласцей. У бягучым годзе назіраецца падобная карціна: транзітныя здзелкі заключаюць пераважна расійскія ўдзельнікі таргоў. На сённяшні дзень аб'ём такіх здзелак складае амаль $2 млн. Пры гэтым наменклатура тавараў, уключаных у транзітны біржавы гандаль, пастаянна пашыраецца, у тым ліку за кошт росту колькасці акрэдытаваных на біржы расійскіх прадпрыемстваў, якія прадстаўляюць розныя галіны эканомікі. Так, з пачатку года ўдзельнічаць у біржавых таргах сталі больш за 200 новых рэзідэнтаў РФ, а ў рамках транзітных здзелак цяпер рэалізуецца не толькі мэбля, тэкстыль і некаторыя віды будматэрыялаў, але і прадукцыя сельскай гаспадаркі, нафтахімія і імпартазамяшчальныя тавары", - расказалі ў прэс-службе біржы.
Галоўная асаблівасць транзітных біржавых здзелак у тым, што абодва контрагенты - прадавец і пакупнік - з'яўляюцца нерэзідэнтамі Беларусі, а пляцоўка БУТБ выкарыстоўваецца як інструмент мінімізацыі рызык. Цяпер транзітныя здзелкі заключаюцца як паміж кампаніямі з адной і той жа краіны, так і паміж рэзідэнтамі розных дзяржаў.-0-
