Мабільная версія
ДЗЯРЖОРГАНЫ
Апошнія навіны
Усе навіны

Праслухоўванне прэтэндэнтаў на ўдзел у "Еўрабачанні-2018" ад Беларусі пройдзе 11 студзеня

Культура 27.12.2017 | 09:15

27 снежня, Мінск /Кар. БЕЛТА/. Адкрытае праслухоўванне ўдзельнікаў нацыянальнага адборачнага тура міжнароднага конкурсу песні "Еўрабачанне-2018" пройдзе 11 студзеня ў Белтэлерадыёкампаніі, паведамілі карэспандэнту БЕЛТА ў прэс-службе медыяхолдынга.

Праслухоўванне пройдзе ў рэжыме жывога гуку ў суправаджэнні музыкі або фанаграмы, запісанай без вакалаў любога віду або нейкіх вакальных імітацый. Афіцыйны сайт па традыцыі будзе весці анлайн-трансляцыю са студыі медыяхолдынга.

У гэтым годзе да праслухоўвання будуць дапушчаны ўсе прэтэндэнты, чые заяўкі аформлены ў адпаведнасці з патрабаваннямі, пазначанымі ў палажэнні адборачнага тура. На сёння ў Белтэлерадыёкампанію паступіла больш за 30 заявак, сярод іх канкурсанты, якія неаднаразова прымалі ўдзел у нацыянальных адборах: Жанет, ALEN HIT, KATTIE, група PROVOCATION, Аляксандра Ткач.

Тэрмін прыёму заявак для ўдзелу ў нацыянальным адборачным туры завяршаецца сёння. Апошні дзень адпраўкі бандэролей - 26 снежня.

Традыцыйна прэтэндэнты на ўдзел адпраўляюць свае бандэролі ў апошнія дні прыёму заявак, і гэты год не стаў выключэннем, адзначылі ў прэс-службе. Таму Белтэлерадыёкампанія адводзіць люфт з некалькіх дзён, каб усе адпраўленыя ва ўстаноўленыя тэрміны заяўкі паспелі паступіць на адрас медыяхолдынга і былі разгледжаны арганізатарамі адбору.

11 студзеня патэнцыяльныя ўдзельнікі песеннага форуму змогуць прадставіць свае кампазіцыі на суд прафесійнага журы. Імёны фіналістаў, якіх будзе не больш за 15, стануць вядомы ў гэты ж дзень вечарам.

Фінал адбору пройдзе не пазней за 1 сакавіка наступнага года ў фармаце тэлевізійнага канцэрта. Удзельнік фіналу, які набраў найбольшую колькасць балаў па выніках галасавання прафесійнага журы і гледачоў, аб'яўляецца пераможцам праекта і становіцца афіцыйным прадстаўніком Беларусі на міжнародным конкурсе песні "Еўрабачанне-2018" у Лісабоне (Партугалія).

Арганізатарам нацыянальнага адборачнага тура з'яўляецца Белтэлерадыёкампанія. Адбор праводзіцца ў адпаведнасці з палажэннем, распрацаваным арганізатарам, і правіламі конкурсу, якія ўстанаўліваюцца Еўрапейскім вяшчальным саюзам.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сяўба азімых збожжавых 2018 У верасні ў гаспадарках рэспублікі пачынаецца сяўба азімых культур. Усяго пад засеў азімымі збожжавымі адведзена 1 309,3 тыс. га.