Мабільная версія
ДЗЯРЖОРГАНЫ
Апошнія навіны
Усе навіны

Арганізацыю фіналу дзіцячага "Еўрабачання-2018" абмеркавалі ў Мінску

Культура 14.02.2018 | 09:09

14 лютага, Мінск /Кар. БЕЛТА/. Прадстаўнікі наглядальнага савета "Еўрабачання" абмеркавалі ў Мінску арганізацыю міжнароднага дзіцячага конкурсу песні "Еўрабачанне-2018", які прыме беларуская сталіца ў лістападзе, паведамілі БЕЛТА ў прэс-службе Белтэлерадыёкампаніі.

Сустрэча гасцей са старшынёй Белтэлерадыёкампаніі Іванам Эйсмантам праходзіла ў гасцінічным комплексе "Прэзідэнт-атэль", дзе размясціўся "Еўраклуб" міжнароднага дзіцячага конкурсу і будуць пражываць дэлегацыі ўдзельнікаў. Акрамя таго, члены наглядальнага савета наведалі выставачны цэнтр "Белэкспа", які разглядаецца ў якасці месца ўрачыстага адкрыцця форуму, а таксама "Мінск-Арэну" як адну з пляцовак правядзення самога песеннага конкурсу.

"Наглядальны савет высока ацаніў работу, праведзеную Белтэлерадыёкампаніяй адносна распрацоўкі канцэпцыі і ідэі шоу, лагатыпа і слогана, сацыяльнай праграмы і пытанняў бяспекі", - адзначылі ў прэс-службе.

Як паведамлялася, у студзені Беларусь наведаў выканаўчы дырэктар конкурсаў "Еўрабачанне" Юн Ула Сан. У складзе цяперашняй дэлегацыі - члены наглядальнага савета "Еўрабачання" з Расіі, Нідэрландаў, Грузіі, Мальты, Італіі, а таксама прадстаўнікі кампаніі Digame (Германія), Scrn (Вялікабрытанія), Premier (Вялікабрытанія) і асістэнт выканаўчага дырэктара конкурсаў "Еўрабачанне" Герт Карк.

Міжнародны дзіцячы конкурс песні "Еўрабачанне-2018" пройдзе ў Беларусі ў лістападзе. Арганізатарам і каардынатарам усіх мерапрыемстваў песеннага форуму выступае Нацыянальная дзяржаўная тэлерадыёкампанія. Прамую трансляцыю цырымоніі адкрыцця ў фармаце HD змогуць убачыць не толькі беларусы, але і гледачы з краін - удзельніц Еўрапейскага вяшчальнага саюза.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Асноўныя сацыяльна-эканамічныя паказчыкі Беларусі ў студзені-сакавіку Студзень-сакавік 2018 года да студзеня-сакавіка 2017 года: ВУП - 105,1%, выпуск прадукцыі прамысловасці* - 109,4%, выпуск прадукцыі сельскай гаспадаркі - 101,9%.