2 сакавіка, Мінск /Кар. БЕЛТА/. Улады ЗША закрываюць паветраную прастору краіны для расійскіх самалётаў, гаворыцца ў паведамленні, размешчаным на сайце Міністэрства транспарту ЗША.
Міністэрства транспарту ЗША і Федэральнае авіяцыйнае ўпраўленне выдалі загады, якія забараняюць расійскім самалётам уваходзіць і выкарыстоўваць усю ўнутраную паветраную прастору ЗША.
Забарона закране ўсе паветраныя судны, якія "знаходзяцца ва ўласнасці, сертыфікаваны, эксплуатуюцца, зарэгістраваны, зафрахтаваны, арандаваны або кантралююцца асобамі або ў інтарэсах асоб, якія з'яўляюцца грамадзянамі Расіі".
Сюды ўваходзяць пасажырскія і грузавыя рэйсы, а таксама рэгулярныя і чартарныя рэйсы, што фактычна азначае закрыццё паветранай прасторы ЗША для ўсіх камерцыйных авіяперавозчыкаў і іншых грамадзянскіх самалётаў Расіі.
Мяркуецца, што абодва загады ўступяць у сілу да канца дня 2 сакавіка 2022 года.-0-