16 сакавіка, Мінск /Кар. БЕЛТА/. Закрываць граніцы ўнутры Шэнгена з-за каранавіруса немэтазгодна, паколькі вірус ужо прысутнічае ва ўсіх дзяржавах супольнасці. Такое меркаванне выказаў афіцыйны прадстаўнік Еўракамісіі Эрык Мамер на брыфінгу ў Бруселі, паведамляе ТАСС.
"Закрыццё граніц - гэта не абавязкова найлепшы спосаб абароны ад віруса, які прысутнічае ва ўсіх дзяржавах ЕС ужо цяпер, калі мы гэта абмяркоўваем, - адзначыў ён. - Аднак дзяржавы супольнасці маюць права прымаць рашэнні, якія яны лічаць мэтазгоднымі, для забеспячэння грамадскага здароўя і бяспекі насельніцтва".
Успышка захворвання, выкліканая каранавірусам, што адбылася ў канцы 2019 года ў Цэнтральным Кітаі, распаўсюдзілася прыкладна на 130 краін і была 11 сакавіка прызнана Сусветнай арганізацыяй аховы здароўя (СААЗ) пандэміяй. Паводле апошніх даных, у свеце заразіліся больш за 160 тыс. чалавек, больш як 6 тыс. памерлі.-0-