29 красавіка, Мінск /Кар. БЕЛТА/. Палата прадстаўнікоў штата Айдаха (ЗША) прагаласавала ў падтрымку законапраекта, які дазваляе ўладам знішчыць да 90 працэнтаў усёй папуляцыі ваўкоў у штаце, паведамляе ТАСС са спасылкай на агенцтва Reuters.
Знішчэнне папуляцыі падтрымліваюць фермеры і ўладальнікі буйной рагатай жывёлы.
У сваю чаргу групы аховы дзікай прыроды звярнуліся да губернатара штата Брэда Літла з просьбай накласці вета на законапраект, паколькі ў выпадку яго прыняцця мільёны долараў з дзяржаўнага бюджэту пойдуць на знішчэнне ваўкоў, а від можа зноў апынуцца на грані знікнення.
Губернатар пакуль не паведаміў, ці падтрымлівае ён такія крокі. Агенцтва ўдакладняе, што калі Брэд Літл не падпіша або не адхіліць законапраект на працягу шасці дзён, ён уступіць у сілу.-0-
