20 мая, Мінск /Кар. БЕЛТА/. Колькасць зарэгістраваных беспрацоўных у Расіі за перыяд нерабочых дзён, аб'яўлены для барацьбы з каранавірусам, вырасла да 1,665 млн чалавек. Аб гэтым заявіла віцэ-прэм'ер РФ Таццяна Голікава, выступаючы на ўрадавай гадзіне ў Савеце Федэрацыі, паведамляе ТАСС.
"На ўчарашні дзень у нас колькасць зарэгістраваных беспрацоўных вырасла да 1,665 млн чалавек - на 29 працэнтаў у параўнанні з перыядам, з якога мы стартавалі", - сказала Таццяна Голікава.
Віцэ-прэм'ер не выключыла стварэнне часовых рабочых месцаў як дадатковай меры падтрымкі насельніцтва па ўзоры 2008-2009 гадоў. "У ліку мер ёсць грамадскія работы, але вы добра разумееце: грамадскія работы звязаны з эпідэміялагічнай сітуацыяй у кожным канкрэтным рэгіёне, паколькі прадугледжваюць даволі вялікую колькасць людзей, іх узаемадзеянне. Але тэма прысутнічае, яе эфект у 2008-2009 гадах мы ведаем і памятаем", - адзначыла яна.
У Расіі, паводле даных федэральнага аператыўнага штаба па барацьбе з каранавірусам, зарэгістравана 308705 выпадкаў заражэння, выздаравелі 85392 чалавекі, памерлі 2927.-0-