ДЗЯРЖОРГАНЫДЗЯРЖОРГАНЫ
Чацвер, 23 студзеня 2020
Мінск Пераменная воблачнасць -1°C
Усе навіны
Усе навіны
У свеце
13 студзеня 2020, 18:13

З-за вывяржэння вулкана на Філіпінах закрыты школы і прадпрыемствы

Фота Reuters
Фота Reuters

13 студзеня, Мінск /Кар. БЕЛТА/. У сталіцы Філіпін Маніле закрыты школы і прадпрыемствы з-за выкіду попелу вулканам Таал, паведамляе Reuters.

Паводле даных сейсмолагаў, вывяржэнне вулкана ў любы час можа справакаваць цунамі.

Больш за 24 тыс. чалавек ужо эвакуіраваны. У некаторых населеных пунктах, у тым ліку ў муніцыпалітэце Талісай, эвакуацыя ўскладняецца тым, што дождж, які нядаўна прайшоў, ператварыў попел у бруд. У сувязі з гэтым для транспарціроўкі людзей патрабуюцца грузавікі. Некаторыя турысты ігнаруюць небяспеку і накіроўваюцца ў гарады, размешчаныя бліжэй да вулкана.

Улады паведамілі, што палёты ў міжнародным аэрапорце Манілы часткова адноўлены. 12 студзеня каля 240 рэйсаў былі адкладзены або адменены з-за дрэннай бачнасці.

Вулкан Таал знаходзіцца прыкладна за 70 км на поўдзень ад цэнтральнай частцы Манілы і з'яўляецца адным з самых маленькіх дзеючых вулканаў у свеце. За апошнія 500 гадоў Таал вывяргаўся больш за 30 разоў, апошні - у 1977 годзе. Вывяржэнне ў 1911 годзе прывяло да гібелі 1500 чалавек, а вывяржэнне ў 1754 годзе доўжылася некалькі месяцаў. Востраў Лусон, на якім знаходзіцца Таал, лічыцца небяспечнай зонай.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі