30 жніўня, Мінск /Кар. БЕЛТА/. Вакцына ад каранавіруса ў выглядзе назальнага спрэю можа стаць даступнай восенню 2022 года ў сувязі з неабходнасцю правесці клінічныя выпрабаванні, лічыць гендырэктар цэнтра "Вектар" Рынат Максютаў, паведамляе ТАСС.
"Фармат вакцыны ў выглядзе назальнага спрэю таксама даследуецца сёння ў многіх лабараторыях свету, але ў большай частцы на лабараторных жывёлах. З улікам неабходнасці правядзення клінічных выпрабаванняў я лічу, што гэта перспектыва наступнай восені", - заявіў Рынат Максютаў.
Раней паведамлялася, што Цэнтр імя Гамалеі плануе выйсці на клінічныя выпрабаванні ўласнага прэпарату такога тыпу ў канцы 2021 - пачатку 2022 года і зарэгістраваць яго ў 2022-м. Вакцыну ў выглядзе капель у нос распрацоўвае і цэнтр "Вектар".-0-
