ДЗЯРЖОРГАНЫДЗЯРЖОРГАНЫ
Флаг Чацвер, 6 мая 2021
Мінск Суцэльная воблачнасць +9°C
Усе навіны
Усе навіны
У свеце
31 сакавіка 2021, 16:23

Ва Украіне ўпершыню зафіксавалі больш за 400 смяротных выпадкаў ад COVID-19 за суткі

Фота з архіва
Фота з архіва

31 сакавіка, Мінск /Кар. БЕЛТА/. Ва Украіне за мінулыя суткі пацвердзілі 407 смяротных выпадкаў ад каранавіруса. Гэта новы антырэкорд з пачатку пандэміі ў краіне, паведамляе РБК-Украіна.

Да гэтага максімальная колькасць смяротных выпадкаў ад каранавіруса за суткі была ва Украіне 25 сакавіка, тады памерлі 362 пацыенты.

Усяго за мінулыя суткі ў краіне зафіксавана 11 226 новых выпадкаў заражэння COVID-19, выздаравелі - 6405 чалавек.

Зыходзячы са статыстычных даных, рост смяротнасці ад COVID-19 у краіне назіраецца з 10 сакавіка. Колькасць смяротных выпадкаў вясенняй хвалі каранавіруса перавысіла паказчыкі асенняй хвалі. Раней прэм'ер-міністр Украіны Дзяніс Шмыгаль заявіў, што рост шпіталізацый з-за каранавіруса прадаўжаецца ў краіне ўжо пяты тыдзень запар.

З 20 сакавіка ў Кіеве дзейнічае строгі каранцін: закрыты кінатэатры, тэатры, музеі, канцэртныя залы, ГЗЦ, не працуюць басейны. Забаронены масавыя мерапрыемствы, кафэ і рэстараны працуюць выключна навынас. Закрыты і пераведзены на дыстанцыйны рэжым навучальныя ўстановы, акрамя дзіцячых садоў і малодшых класаў школ.

"Сітуацыя з распаўсюджваннем COVID-19 у сталіцы складаная. Эпідэміялагічная карціна пагаршаецца, Кіеў застаецца ў чырвонай зоне, - заявіў першы намеснік кіраўніка Кіеўскай гарадской дзяржаўнай адміністрацыі Аляксей Кулеба.

Усяго з пачатку пандэміі ва Украіне пацверджана 1 674 168 выпадкаў заражэння каранавірусам, выздаравеў 1 313 481 чалавек, памерлі 32 825 пацыентаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі