5 лістапада, Мінск /Кар. БЕЛТА/. Узбекістан у ноч з 4 на 5 лістапада накрыла пясчаная бура, з-за чаго дапушчальная канцэнтрацыя пылу ў паветры была перавышана ў 30 разоў. Аб гэтым карэспандэнту ТАСС паведаміла прэс-сакратар Узгідрамета Муніса Асілхаджаева.
"У рэспубліцы назіраецца вельмі рэдкая прыродная з'ява - пыльна-пясчаная бура, што выклікала канцэнтрацыю пылу ў паветры спачатку ў 30 разоў большую за норму, цяпер канцэнтрацыя перавышае норму ў 10 разоў", - сказала прадстаўнік Узгідрамета. Паводле яе даных, самая моцная ў рэспубліцы запыленасць паветра назіраецца ў Ташкенце. Мінулай ноччу бачнасць у горадзе знізілася да 200 метраў, і на гэты час сітуацыя палепшылася толькі нязначна.
Як паведаміла прэс-служба Міністэрства аховы здароўя Узбекістана, запыленасць паветра выклікала моцны рост алергічных захворванняў. Толькі за мінулы дзень па гэтай прычыне зафіксавана звыш 1000 выпадкаў шпіталізацыі грамадзян, а таксама зарэгістраваны некалькі тысяч зваротаў у лячэбныя ўстановы. Гідраметэаролагі прагназуюць, што анамальная прыродная з'ява прадоўжыцца некалькі сутак.-0-
