Мабільная версія
ДЗЯРЖОРГАНЫ

Апошнія навіны
Усе навіны

У ЗША маюць намер зрабіць больш строгімі законы аб барацьбе са злачынствамі на глебе нецярпімасці

У свеце 05.08.2019 | 19:32
Дональд Трамп. Фота   Global Look Press
Дональд Трамп. Фота Global Look Press

5 жніўня, Мінск /Кар. БЕЛТА/. Амерыканскія ўлады маюць намер зрабіць больш строгім нацыянальнае заканадаўства, накіраванае на барацьбу са злачынствамі на глебе нецярпімасці, і ўвесці смяротнае пакаранне за такія дзеянні. Аб гэтым заявіў сёння прэзідэнт ЗША Дональд Трамп, паведамляе ТАСС.

Выступаючы са зваротам да суграмадзян у сувязі з выпадкамі масавага расстрэлу людзей у Тэхасе і Агая, Дональд Трамп падкрэсліў, што вышэйшая мера пакарання ў выпадку ўчынення злачынстваў на глебе нецярпімасці, а таксама масавых забойстваў павінна будзе прымяняцца ў самыя кароткія тэрміны.

Таксама амерыканскі лідар сказаў, што ўлады ЗША маюць намер прыцягнуць уладальнікаў сацыяльных сетак да стварэння інструментаў ранняга выяўлення па-экстрэмісцку настроеных асоб, якія збіраюцца ўчыніць масавыя расстрэлы людзей або іншыя такія вылазкі. "Мы павінны праліць святло на цёмныя ўчасткі інтэрнэту і спыняць масавыя забойствы, перш чым яны будуць учынены", - адзначыў Дональд Трамп.

Прэзідэнт ЗША аб'явіў, што масавы расстрэл людзей у Агая і Тэхасе - гэта атака на ўсю краіну і злачынства супраць усяго чалавецтва.

3 жніўня пры стральбе ў гандлёвым цэнтры ў Эль-Паса (штат Тэхас) загінулі 20 чалавек. Як сцвярджаюць улады, гэта было злачынства на глебе расавай нянавісці. У ноч на 4 жніўня стралок у цэнтры горада Дэйтана (штат Агая) забіў дзевяць чалавек. У выніку абодвух інцыдэнтаў дзясяткі чалавек былі паранены. Яшчэ сем чалавек атрымалі раненні ўначы 4 жніўня пры стральбе ў адным з паркаў Чыкага (штат Ілінойс).-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.