14 мая, Мінск /Кар. БЕЛТА/. Колькасць інфіцыраваных новай каранавіруснай інфекцыяй у РФ вырасла за суткі на 9974 - да 252245, паведамілі ТАСС у расійскім аператыўным штабе па барацьбе з распаўсюджваннем каранавіруса.
Такім чынам, упершыню з 2 мая колькасць выяўленых за суткі выпадкаў стала меншай за 10 тыс.
Новыя 4712 выпадкаў заражэння каранавірусам зафіксаваны ў Маскве, дзе ўсяго выяўлена 130716 хворых.
Колькасць выздаравеўшых пацыентаў з каранавірусам у Расіі за суткі павялічылася на 5527 і дасягнула 53530. Паводле падлікаў ТАСС, доля вылечаных у краіне перасягнула 21 працэнт. Памерлі за суткі яшчэ 93 чалавекі, агульная колькасць ахвяр склала 2305.
Як адзначылі ў аператыўным штабе, у 40,6 працэнта новых выяўленых выпадкаў заражэння ў інфіцыраваных не было сімптомаў хваробы, гэта 4049 чалавек.
Усяго ў свеце, паводле апошніх даных, пацверджана 4,35 млн выпадкаў COVID-19. З моманту ўспышкі выздаравелі 1,55 млн чалавек, 297 тыс. памерлі.-0-