ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -2°C
Усе навіны
Усе навіны
У свеце
06 снежня 2021, 10:53

У Паўднёвай Карэі пачаў дзейнічаць рэжым вакцынных пропускаў у грамадскіх месцах

Фота з архіва
Фота з архіва

6 снежня, Мінск /Кар. БЕЛТА/. Узмоцненыя каранцінныя меры ўступілі ў дзеянне ў Рэспубліцы Карэя на фоне далейшага распаўсюджвання каранавіруса, паведамляе ТАСС са спасылкай на ўрад краіны.

Як мінімум да 2 студзеня максімальная колькасць удзельнікаў прыватных сустрэч скарочана да 6 у сталічным рэгіёне і да 8 у іншых раёнах. Сістэма вакцынных пропускаў, якая раней прымянялася да асобных аб'ектаў з высокай рызыкай заражэння кавідам, такіх як крытыя трэнажорныя залы, бары і начныя клубы, цяпер распаўсюджана на большасць грамадскіх месцаў, уключаючы рэстараны, кафэ, караоке, саўны, канцэртныя залы, музеі, бібліятэкі і навучальныя ўстановы.

Вакцынны пропуск уяўляе сабой сертыфікат, які пацвярджае, што яго ўладальнік поўнасцю прышчэплены ад кавіда або мае адмоўны рэзультат ПЛР-тэста. Перыяд з 6 па 12 снежня з'яўляецца пераходным да канчатковага ўвядзення ў дзеянне гэтай сістэмы.

"Вакцынны пропуск - гэта не дыскрымінацыя, а мінімальны крок, які мы павінны зрабіць для абароны нашага грамадства", - падкрэсліў у сувязі з гэтым прэм'ер-міністр краіны Кім Бу Гем, выступаючы на пасяджэнні ўрада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі