14 жніўня, Мінск /Кар. БЕЛТА/. У горных вёсках у Непале ў выніку апоўзняў, выкліканых праліўнымі дажджамі, загінулі сама меней 16 чалавек, 28 прапалі без вестак, паведамляе Reuters.
Паводле даных міністэрства ўнутраных спраў, у цэнтральнай частцы Непала ў раёне Сіндхупалчак, недалёка ад сталіцы Катманду, раніцай 14 жніўня моцны апоўзень знёс каля 30 дамоў.
На месцы працуюць выратавальныя службы. Аднак правядзенню выратавальнай кампаніі перашкаджаюць дажджы і бруд, што спаўзаюць з узгоркаў.
Паведамляецца таксама, што ў гэтым годзе ў выніку паводак і апоўзняў у краіне загінулі 215 чалавек, 85 чалавек прапалі без вестак.-0-
