29 сакавіка, Бішкек /БЕЛТА - КАБАР/. У Кыргызстане сёння пачаўся першы этап вакцынацыі ад каранавіруснай інфекцыі кітайскай вакцынай Sinopharm.
Першымі прышчэпку ў ЦСМ нумар 7 зрабілі кіраўнік Міністэрства аховы здароўя і сацразвіцця Алымкадыр Бейшэналіеў і яго намеснікі.
На брыфінгу ён заявіў, што эфектыўнасць названай вакцыны высокая і якіх-небудзь пабочных эфектаў не выклікае.
Паводле даных універсітэта Джонса Хопкінса, на 29 сакавіка ў Кыргызстане зарэгістравана 88163 выпадкі заражэння COVID-19, памерлі 1497.-0-