18 сакавіка, Мінск /Кар. БЕЛТА/. Таварны поезд сышоў у рэек у правінцыі Касаі Дэмакратычнай Рэспублікі Конга. У выніку не менш як 24 чалавекі загінулі і яшчэ 31 чалавек пацярпеў, паведамляе AFP са спасылкай на мясцовую паліцыю і службы выратавання.
Пры крушэнні некалькі вагонаў перавярнуліся, яшчэ некалькі ўпалі ў раку з моста.
Паводле інфармацыі AFP, большая частка пасажыраў прабралася на поезд нелегальна. Адзначаецца, што сярод загінулых шмат дзяцей. Пошукавую аперацыю прыпынілі з надыходам ночы, але, мяркуецца, што колькасць ахвяр можа ўзрасці.
Аб прычынах здарэння не паведамляецца.-0-
