22 чэрвеня, Мінск /Кар. БЕЛТА/. Адна з вядучых у Японіі фармацэўтычных кампаній афіцыйна аб'явіла ў панядзелак аб заключэнні ліцэнзійнага пагаднення з групай з трох універсітэтаў краіны, спецыялісты якіх распрацавалі просты і хуткі тэст на наяўнасць у арганізме чалавека новага каранавіруса. Ён дае магчымасць выяўляць інфекцыю прыкладна за 30 мінут без прыцягнення складанага абсталявання і ўрачоў-прафесіяналаў, паведамляе ТАСС.
Тэст заснаваны на пробе сліны, і па дакладнасці, як сцвярджаецца, ён не ўступае шырока распаўсюджаным цяпер ПЦР-тэстам на новы каранавірус. Новую методыку распрацавала аб'яднаная група даследчыкаў з Універсітэта Ніхон, Універсітэта Гума і Такійскага медыцынскага ўніверсітэта.
Кампанія плануе ў першую чаргу прапанаваць новыя аблегчаныя тэсты для праверкі пасажыраў, якія ўязджаюць у Японію з-за мяжы.
З пачатку пандэміі ў свеце заразіліся каранавірусам больш за 8,7 млн чалавек, больш за 460 тыс. памерлі. У Японіі агульная колькасць інфіцыраваных перасягнула 18,6 тыс. чалавек, памерлі амаль 970 пацыентаў.-0-