16 сакавіка, Мінск /Кар. БЕЛТА/. Работнікі аэрапорта італьянскага горада Піза знайшлі зброю ў гуманітарных грузах для Украіны, паведамляюць РІА Навіны.
Паводле слоў супрацоўнікаў грамадзянскага аэрапорта імя Галілеа Галілея, самалёты, якія адпраўляюцца з грузавога тэрмінала, павінны быць запоўнены правіянтам, лякарствамі і іншай гуманітарнай дапамогай для Украіны, але высветлілася, што гэта не так.
"Калі грузчыкі апынуліся пад самалётам, яны знайшлі скрыні са зброяй розных тыпаў, боепрыпасамі і выбуховымі рэчывамі. Горкі і жудасны сюрпрыз, які пацвярджае атмасферу вайны, у якую ўцягвае нас урад (прэм'ер-міністра Марыа. - Заўвага БЕЛТА) Драгі", - гаворыцца ў паведамленні італьянскага прафсаюза USB.
Мяркуецца, што самалёты даставяць гэту "дапамогу" на базы ЗША і НАТА ў Польшчы, адкуль яе пераправяць ва Украіну.
Работнікі аэрапорта адмовіліся грузіць скрыні, а прафсаюз USB назваў такое "гуманітарнае прыкрыццё" для падтрымання баявых дзеянняў ва Украіне сапраўднай фальсіфікацыяй. Прафсаюз запатрабаваў неадкладна спыніць такія рэйсы і заявіў, што правядзе ў суботу, 19 сакавіка, мітынг перад будынкам аэрапорта.
У канцы лютага італьянскія ўлады адобрылі перадачу Украіне ваенных сродкаў, матэрыялаў і абсталявання.-0-
