26 сакавіка, Мінск /Кар. БЕЛТА/. Прынамсі 32 чалавекі загінулі і 66 атрымалі раненні ў выніку сутыкнення двух пасажырскіх паяздоў у Егіпце, паведамляе тэлевізійны канал CNN NEWS18.
Паводле даных Reuters, ДТЗ адбылося на поўнач ад егіпецкага горада Сахаг. На месца здарэння накіравалі 36 машын хуткай дапамогі, параненыя былі дастаўлены ў мясцовыя бальніцы.
"Паязды сутыкнуліся на не вельмі высокай скорасці. У выніку два вагоны былі разбураны, а трэці перавярнуўся", - паведаміла Reuters крыніца ў службе бяспекі.
Як паведамляе ТАСС, генпракуратура Егіпта распарадзілася пачаць расследаванне катастрофы, а міністр транспарту Камель аль-Вазір - затрымаць двух машыністаў паяздоў. Створана спецыяльная камісія следчых, работу якой пад асабісты кантроль узяў прэм'ер-міністр Егіпта Мустафа Мадбулі. З-за аварыі цалкам спынены рух паяздоў у паўднёвым напрамку.-0-